Өнөөдөр гадаа -19 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 30-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 30 дахь өдөр бөгөөд он дуусахад 335 хоног үлдлээ.
- Цаг агаар өдөртөө -19 хэмийн хүйтэн бол шөнөдөө -30 градус хүйтэн байх нь ээ.
- Билгийн тооллын 20, Харцага одтой, харагчин морь өдөр. Ангараг гараг. Өдрийн наран 8 цаг 23 минутад мандан, 17 цаг 48 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавих, угаал үйлдэх, газар, лусын зан үйл хийхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3425.00 төгрөг, зарах нь 3432.00 төгрөг байна. Харин рублийн авах ханш 37.00, зарах ханш 37.70, юанийн авах ханш 473.40, зарах ханш 477.90, вонийн авах ханш 2.52, зарах ханш 2.65 төгрөг байна.
Өнөөдөр болох онцлох үйл явдлууд:
- 09.00 цагаас Хөдөлмөр, нийгмийн хамгааллын яамны 10 давхар дахь хурлын танхимд Хөдөлмөрийн зах зээлийн дунд хугацааны эрэлт, нийлүүлэлтийн таамаглал, хөдөлмөр эрхлэлтийн хуулиудын шинэчилсэн найруулга, нэмэлт өөрчлөлтийн төсөл танилцуулах уулзалт болно.
- 10.00 цагт Гадаадын хөрөнгө оруулалтын тухай хуультай холбоотойгоор Ч.Хүрэлбаатар сайдыг шалгуулах хүсэлтийг АТГ-т МоАХ-ноос өгнө.
- Төв, Дорноговь аймагт “Цагаан сар-2024" үзэсгэлэн худалдаа гарч байна.
- “Lkham” галерейд: Зураач Ц.Соёлмаагийн анхны бие даасан дүрслэлийн бэлгэдлийн “Зүүдний зэрэглээ” үзэсгэлэн гарч байна.
Энэ өдөр дэлхийн түүхэнд:
- Энэ өдөр АНУ-ын 32 дахь ерөнхий сайд Франклин Д.Рүүзвельт мэндэлсэн бол Нисэх онгоц зохион бүтээсэн Орвиль Врайт насан эцэслэж байсан юм.
- 1649 онд Английн хаан I Чарльзийг цаазлажээ.
- 1806 онд АНУ-ын Нью-Жерси мужийн Трентон хотыг Пеннсилвани мужийн Моррисуилль хоттой холбосон "Доод Трентоны гүүр" ашиглалтад оржээ.
- 1826 онд Дэлхийн хамгийн анхны дүүжин гүүр Исле оф Англисид нээгдэв. Баруун Уелсийг хойд хэсэгтэй холбосон энэ гүүрийг "Менайн дүүжин гүүр" гэж нэрлэдэг ажээ.
- 1862 онд Америкийн хамгийн анхны хуягт усан хөлөг онгоц болох "Монитор" АНУ-ын зэвсэглэлд авсан байна.
- 1889 онд Австри-Унгарын угсаа залгамжлах хунтайж Рудольф, гэргий Мери Вецера нарын цогцосыг Маерлинг дахь зуслангаас нь олжээ.
- 1933 онд Райхспрезидент Гинденбург Адольф Гитлерыг Германы Канцлераар томилов.
- 1959 онд Хэзээ ч живэшгүй гэгдэж байсан Ханс Хедтофт гэх хөлөг онгоц мөсөн уул мөргөсний улмаас живж, хөлгийн багийн 95 зорчигч бүгд амиа алджээ.
- 1969 онд Бийтлз хамтлагийн олон нийтэд зориулсан сүүлийн тоглолт Лондон хотноо болов. Гэвч шүтэн бишригчид их ирсэнтэй холбоотойгоор цагдаа нар тарааж, тоглолт цагаасаа өмнө дууссан юм.
- 1982 онд Ричард Скрента гэгч дэлхийн хамгийн анх удаа компьютерийн вирусны эсрэг код бичжээ. Тэрээр Apple компанид ажилладаг байсан юм.
