Өнөөдөр гадаа -10 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр жилийн 29 дэх өдөр. Энэ өдрөөс хойш он дуусахад 336 хоног үлдэнэ.
- Цаг агаар өдөртөө -10 хэмийн хүйтэн бол шөнөдөө -14 градус хүйтэн байх нь ээ.
- Билгийн тооллын 19, Сумьяа гараг. Бага морь одтой, хар луу өдөр. Өдрийн наран 8 цаг 24 минутад мандан, 17 цаг 49 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.
- Валют арилжааны төвд ам.долларын авах ханш 3409.00 төгрөг, зарах нь 3415.00 төгрөг байна. Харин рублийн авах ханш 37.60, зарах ханш 37.90, юанийн авах ханш 476.50, зарах ханш 478.00, вонийн авах ханш 2.57, зарах ханш 2.58 төгрөг байна.
Өнөөдөр болох онцлох үйл явдлууд:
- 09.00 цагт: “Шангри-Ла” зочид буудалд: “Хувийн хэвшлийн хөрөнгө оруулалтын форум”-ыг ЭЗХЯ, АХБ хамтран зохион байгуулна.
- “ЗМ”-ний мэдээллийн төвд:
-
11.00 цагт: Бүлэглэлд зориулсан хууль батлахыг ахмадууд эсэргүүцэж байгаагаа илэрхийлнэ.
-
11.30 цагт: "Тэнгэрийн хутагт" бүжгэн жүжгийн талаар мэдээлнэ.
-
12.00 цагт: УИХ-аас Ногоон автобусны худалдан авалтыг хянан шалгах түр хороо байгуулсан талаар АН-ын ажлын хэсгээс мэдээлнэ.
Энэ өдөр дэлхийн түүхэнд:
- 661 - Рашидуны Халифатын халиф Али амиа алдсаны дараа тус улсыг Шийтийн засаг захиргаа мэдэлдээ авч Имамах болгон өөрчилжээ. Имамахын имамаас Хассан ибн Али тодорсон юм.
- 757 - Ан Лүшанаар удирдуулсан босогчид Танг эзэнт гүрний хаан Яаны эсрэг бослого дэгдээв.
- 1258 - Монголын эзэнт гүрэн Дон Бо Дау (одоогийн Вьетнам) хавьд тулан ирж, тулаанаа хийсэн бөгөөд улмаар ялалт байгуулжээ.
- 1814 - Францын эзэнт гүрний арми Орос, Пруссийн цэргийн нэгдсэн хүчийг Брьеннегийн тулаанд буулган авав.
- 1819 - Британийн аялагч Стемфорд Раффлес Сингапурын газар нутгийг нээн илрүүлэв.
- 1834 - АНУ-ын ерөнхийлөгч Эндрью Жексон холбооны цэргүүдэд хөдөлмөрийн хөлс олгож байх шийдвэр гаргажээ.
- 1845 - Алдарт зохиолч Эдгар Аллан Погын "Хэрээ" тууж Нью-Йорк хотын "Үдшийн толь" сонинд анх удаагаа хэвлэгджээ.
- 1856 - Их Британийн хатан хаан Викториа цэргийн гарамгай гавьяа байгуулсан хүмүүст олгох "Викториагын загалмай" одонг бий болгох зарлиг буулгажээ.
- 1861 - Канзас муж АНУ-ын 34 дэх муж улс болжээ.
- 1886 - Зохин бүтээгч Карл Бенц шатахуун хөдөлгүүртэй автомашин зохион бүтээж, патентжуулав.
- 1891 - Хавайн хаант улсын хаан ширээнд хатан хаан Лилиуокалани суув.
- 1903 - Богд хааны зарлигаар "Билгийг хөгжүүлэн бадруулагч сүм"-ийг барьж дуусгажээ.
- 1907 - АНУ-ын Сенатын танхимд анх удаагаа уугуул америк хүн сонгогдов. Чарльз Көртис гэх улстөрч Канзас мужаас Сенатын танхимд сонгогджээ.
- 1918 - Украин-Зөвлөлтийн дайн: Больщевик улаан арми Киев хотод бүрэн хяналтаа тогтоожээ. Улаан арми тухайн үедээ цэргийн сургуулийн сонсогчидтой тулалдаж ялалт байгуулсан юм.
