Өнөөдөр гадаа -12 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 11 дахь өдөр бөгөөд он дуусахад 354 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын битүүн, Суулга одтой, хөх нохой өдөр. Бархасвадь гараг. Өдрийн наран 8 цаг 39 минутад мандан, 17 цаг 16 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эв эеэ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эдлэлийн зүйл авах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Дашням өдөр. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3413.00 төгрөг, зарах нь 3420.00 төгрөг байна. Харин рублийн авах ханш 36.10, зарах ханш 36.80, юанийн авах ханш 472.40, зарах ханш 477.20, вонийн авах ханш 2.51, зарах ханш 2.64 төгрөг байна.
Өнөөдөр болох онцлох үйл явдлууд:
- “Зууны мэдээ” сонины “Үндэсний мэдээллийн төв”-д 09.30 цагаас Монгол дахь Америкийн Худалдааны Танхим (АмЧам Монгол)-аас Хөрөнгө оруулалтын тухай хуулийн шинэчилсэн найруулгын төсөлтэй холбоотойгоор байр сууриа илэрхийлнэ.
- 11.00 цагт “Монгол Ньюс” мэдээллийн төвд төрийн албан хаагчдын ёс зүйн талаар иргэдийн төлөөлөл мэдээлэл хийнэ.
Энэ өдөр дэлхийн түүхэнд:
- 1569 онд Дэлхийн түүхэнд хамгийн анх удаа Англи улсад лотерей болов.
- 1571 онд Австрийн язгуур угсааныхан шашин шүтэх эрхийг нээлттэй болгожээ.
- 1779 онд Манипур буюу одоогийн Энэтхэгийн хант улсын ширээнд Чин Тан Хомба заларчээ.
- 1861 онд Америкийн иргэний дайн: АНУ-ын арми Алабама мужийг эзлэв.
- 1912 онд Массачусетс мужийн Лоуренс хотын цагаач ажилчид ажлын долоо хоногийг бууруулах, цалин хөлс нэмэгдүүлэхээр ажил хаялт зарлажээ.
- 1922 онд Дэлхийн эрүүл мэндийн практикт анх удаагаа чихрийн шижнээр өвчилсөн хүнд инсулинийг ашиглаж эхлэв.
- 1943 онд Дэлхийн хоёрдугаар дайн: АНУ болон Их Британийн арми Хятад улсад газар нутгийн эрхийг нь буцаан олгов.
- 1962 онд Перу улсын Хуаскаран ууланд цасан уруй болж 4000 мянган хүн амиа алджээ.
