Өнөөдөр гадаа -14 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 9 дэх өдөр бөгөөд он дуусахад 356 хоног үлдлээ.
- Цаг агаар өдөртөө -14 хэмийн хүйтэн бол шөнөдөө -23 градус хүйтэн байх нь ээ.
- Билгийн тооллын 28 , Эрхтэний тэнгэрт одтой, хар бич өдөр. Өдрийн наран 8 цаг 40 минутад мандан, 17 цаг 18 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой.
- Валют арилжааны төвд ам.долларын авах ханш 3416.00 төгрөг, зарах нь 3422.00 төгрөг байна. Харин рублийн авах ханш 37.00, зарах ханш 37.30, юанийн авах ханш 482.00, зарах ханш 484.00, вонийн авах ханш 2.62, зарах ханш 2.63 төгрөг байна.
Өнөөдөр болох онцлох үйл явдлууд:
- УИХ-ын Байнгын хороодын хуралдаан болно.
- 11:00 цагаас Ардчилсан намын шинэ нарийн бичгийн дарга нар “Олон дагагчтай хүмүүс сонгуулиар уриалах бол ХХЗХ бүртгүүлэх талаар” хэвлэлийн бага хурал зарлажээ.
- Хөвсгөл аймагт “Цодгор хүү” аймгийн аварга шалгаруулах тэмцээн болно.
Энэ өдөр дэлхийн түүхэнд:
- 1431 онд Францын хаант улсын Рүен хотноо Жанна Д'Аркын хэргийг мөрдөн байцаах, шүүн хэлэлцэх ажиллагаа эхэлжээ.
- 1768 онд Филип Астлей орчин үеийн циркийн үзүүлбэрийг Лондонгийн тайзнаа тавьжээ.
- 1788 онд Коннектикут муж АНУ-ын тав дахь мужаар элсэв.
- 1793 онд АНУ-д Францын иргэн Жеан-Пьер Бланшард агаарын бөмбөлөгөөр ниссэн анхны хүн болов.
- 1822 онд Бразилын хаан I Педро, Португалийн VI Хао нар энхийн хэлэлцээгээ эхлүүллээ.
- 1878 онд Италийн хаан ширээнд I Умберто суув.
- 1894 онд АНУ-ын Массачусетс мужийн Лексингтон хотод байрлах Нью Ингланд цахилгаан мэдээ, холбооны газар баттерейгаар ажилладаг телефон утсыг үйлчилгээнд нэвтрүүлэв.
- Дэлхийн I дайн: 1917 онд Палестин Египетийн хилийн шугам дээр хүчтэй тулаан өрнөв.
- 1920 онд Улаан Арми Эрхүү хотыг чөлөөлжээ.
- 1951 онд НҮБ-ын төв байр АНУ-ын Нью-Йорк хотноо албан ёсоор нээгдэв.
- 1992 онд Босни Герцеговин дахь Серб иргэдийн ассемблей Югославын холбооны улсад өөрийгөө зарласан Српскагийн бүгд найрамдах улсыг байгуулав.
- 2005 онд Өмнөд Суданы ардын чөлөөлөх арми, Өмнөд Суданы Засгийн газартай энхийн гэрээнд гарын үсэг зурснаар, Суданы хоёр дахь иргэний дайн өндөрлөжээ.
- 2007 онд Apple компанийн гүйцэтгэх захирал Стив Жобс iphone ухаалаг гар утсыг албан ёсоор танилцуулжээ.
- 1908 онд Феминист үзлийн "загалмайлсан эх" гэгдэх, зохиолч, философич Симоне де Боварь мэндэлж байсан бол 1986 онд нас барсан юм.
- 1913 онд АНУ-ын 37 дахь Ерөнхийлөгч, хуульч Ричард Никсон мэндэлж байжээ.
- 1324 онд Италийн худалдаачин, аялагч Марко Поло нас баржээ.
- 1775 онд Халимагийн хаант улсын сүүлийн хаан Убаши хунтайж нас баржээ.
- 1891 онд "Хөх судар"-ын зохиогч, Монголын их зохиолч Ванчинбалын Инжинаш нас баржээ.
