Өнөөдөр гадаа -12 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 4-ний өдөр:
Өглөөд заавал мэдэж байх ёстой зүйлүүд:
- Өнөөдөр бол жилийн 4 дахь өдөр бөгөөд он дуусахад 361 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 23, тэргүүн дагуул одтой, улаагчин туулай өдөр. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь хулгана, бар, туулай, морь, хонь, тахай болой. Хол газар яваар одогсод зүүн хойш мөрөө гаргавал зохистой. Тэрсүүд өдөр. Үс засуулах, шинээр үргээлгэвэл эд эдлэл, идээ ундаа олно.
- Валют арилжааны төвд ам.долларын авах ханш 3417.00 төгрөг, зарах нь 3423.00 төгрөг байна. Харин рублийн авах ханш 36.50, зарах ханш 37.40, юанийн авах ханш 482.00, зарах ханш 485.00, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 12.00 цагт Усны газар дээр 2023 оны ус ашиглалтын тоо хэмжээ, хөрсний ус шавхаж буй барилгын компанийн зөрчил, машин угаалгын газрын усан хангамжийн тухай мэдээлэл хийнэ.
Энэ өдөр дэлхийн түүхэнд:
- 1762 он – Түүхэнд долоон жилийн дайн гэж алдаршсан Их Британи, Испанийн хоорондох дайн эхлэв.
- 1771 он – Торгууд хант улсын Убаши хан Рин элсэн цөлийн эхэн дэх Балтын газарт аймаг орноо цуглуулан Зүүн гар нутаг руу нүүх тухайгаа зарлажээ.
- 1854 он – Ахмад Уиллиам МакДоналд уугуул оршин суугчдын нэрээр Самаранг өнөөгийн нэршилээр МакДоналдын арлыг илрүүлжээ.
- 1865 он – АНУ-ын Нью-Йорк хотын Уолл Стрийт гудамжинд Нью-Йоркын хөрөнгийн бирж байрлахаар болов.
- 1884 он – Их Британийн социалист хөдөлгөөн гэгдэх Фабианы нийгэмлэг байгуулагдав.
- 1896 он – Юта муж АНУ-ын 45 дахь муж улс болов.
- 1948 он – Бирм (Одоогийн Мьянмар) улс Их Британиас тусгаар тогтнолоо зарлав.
- 1951 он – Солонгосын дайн: Хятад болон Хойд Солонгосын арми Сөүл хотод нэвтрэв.
- 1990 он – Пакистан улсын түүхэн дэх хамгийн хор хохирол дагуулсан галт тэрэгний мөргөлдөөн болж 307 хүн амиа алдаж, 700 хүн шархдав.
- 2004 он – Эх дэлхийн нэгдсэн цагаар үүрийн 04:30 цагт өөрөө явагч Спирит хөлөг Ангараг гариг дээр амжилттай газардав.
- 2007 он – АНУ-ын конгрессын 110 дахь хуралдаанаар төлөөлөгчдийн танхимын даргаар Ненси Пелосиг сонгож тус улсын түүхэнд энэ суудалд заларсан анхны эмэгтэй улстөрч болов.
- 2010 он – Дэлхийн хамгийн өндөр барилга гэх алдарыг хүртсэн Бурж Халифа албан ёсоор нээгдэв.
- 2018 он – Өмнөд Африкийн Фрий Стейт хотын Крүүнстад дүүргээс Хенненман дүүргийг холбосон төмөр зам дээр осол гарч 12 хүн амиа алдан, 260 гаруй зорчигч гэмтэж бэртжээ.
- 1643 он – Таталцлын хуулийг нээсэн нэрт фикикч Исаак Ньютон мэндэлж байжээ.
- 1934 он – Словакын улстөрч, Словакын 2 дахь Ерөнхийлөгч Рудольф Шустер мэндэлж байжээ.
- 1963 он – Раммштайн хамтлагын гишүүн, ая зохиогч Тилл Линдеманн мэндэлжээ.
