Өнөөдрийн тухай таны мэдэх ёстой 19 зүйл: Өнөөдөр өдөртөө -13 хэмийн хүйтэн байна

Өнөөдөр гадаа -13 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Нэгдүгээр сарын 2-ны өдөр:

Өглөөд заавал мэдэж байх ёстой зүйлүүд:

1. Өнөөдөр бол жилийн 2 дахь өдөр бөгөөд он дуусахад 363 хоног үлдлээ.
2. Цаг агаар өдөртөө -13 хэмийн хүйтэн бол шөнөдөө -22 градус хүйтэн байх нь ээ. 
3. Билгийн тооллын 21, Харцага одтой, хөхөгчин үхэр өдөр. Тухайн өдөр могой жилтнээ аливаа үйл хийхэд эерэг сайн ба тахиа, бич жилтнээ сөрөг муу нөлөөтэй. Эл өдөр буян номын үйл эхлэх, дээдсээс халамж хүсэх, лам хуврага болох, багш шавь барилдах, номын абшиг авах, шинэ гэр ба байр авах, хишиг даллага дуудуулахад сайн. Өдрийн сайн цаг бар, туулай, бич, могой, нохой, гахай болой. Хол газар яваар одогсод баруун зүгт мөрөө гаргаарай. Үс шинээр үргээлгэх буюу засуулахад тохиромжгүй.
4. Валют арилжааны төвд ам.долларын авах ханш 3420.00 төгрөг, зарах нь 3425.00 төгрөг байна. Харин рублийн авах ханш 37.30, зарах ханш 37.60, юанийн авах ханш 480.50, зарах ханш 482.00, вонийн авах ханш 2.63, зарах ханш 2.64 төгрөг байна.

Энэ өдөр дэлхийн түүхэнд: 

1. 533 онд Ромын Пап ламаар сонгогдсон Меркуриус өөрийн сахилын нэрээ II Йоан болгож өөрчлөв. Энэ нь католик шашны түүхэнд анхны тохиолдол болжээ.
2. 1777 онд АНУ-ын хувьсгал: Америкийн цэргийн хүчнүүд Нью-Жерси мужийн Трентоны тулаанд генерал Жорж Вашингтоны удирдлагад нэгдэж, Британийн армийн өөдөөс тулалдахаар болов.
3. 1788 онд Жоржиа муж улс АНУ-ын холбооны дөрөв дэх муж болов.
4. 1860 онд Францын нийслэл Парис хотод байрлах Францын шинжлэх ухааны академи Вулкан гаригийг нээн илрүүлснээ албан ёсоор зарлав.
5. 1871 онд Испанийн хаан ширээнд I Амадейс суув.
6. 1942 онд Дэлхийн хоёрдугаар дайн: Японы арми Филиппин улсын Манила хотыг эзлэн авав.
7. 1945 онд Дэлхийн хоёрдугаар дайн: Холбоотон арми Нацистийн Германы Нюренбэрг хотыг удаа дараа бөмбөгдөв.
8. 1959 онд ЗХУ дэлхийн түүхэнд анх удаа Луна-1 хиймэл дагуулыг хөөргөв.
9. 1967 онд АНУ-ын Калифорни мужийн амбан захирагчаар өмнө нь жүжигчин байсан Рональд Рейган сонгогдов.
10. 2013 онд АНУ-ын Ерөнхийлөгч Барак Обама Татвар төлөгчдийг дэмжих тухай хуульд гарын үсэг зурав.
11. 2016 онд Энэтхэгийн нисэх хүчний баазад террорист халдлага болов.
12. 1912 онд Олимпийн аварга, Японы усанд сэлэгч Тоёода Хисакичи мэндэлж байжээ.
13. 1920 онд Шинжлэх ухааны уран зөгнөлт зохиолч, химич Исаак Азимов (1992 онд нас барсан)
14. 1931 онд Япон улсын 76 дахь Ерөнхий сайд Тошики Кайфу мэндэлж байжээ.
15. 1981 онд Аргентины хөлбөмбөгчин Макси Родриргес мэндэлж байжээ.