Өнөөдөр гадаа -26 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 355 дахь өдөр бөгөөд он дуусахад 11 хоног үлдлээ.
- Цаг агаар өдөртөө -26 хэмийн хүйтэн бол шөнөдөө -37 градус хүйтэн байх нь ээ.
- Билгийн тооллын 8, Могойг хүлэгч одтой, хар хулгана өдөр. Буд гараг. Өдрийн наран 5 цаг 38 минутад мандан, 17 цаг 01 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лусыг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал нас уртадна.
- Валют арилжааны төвд ам.долларын авах ханш 3425.00 төгрөг, зарах нь 3432.00 төгрөг байна. Харин рублийн авах ханш 37.00, зарах ханш 37.70, юанийн авах ханш 473.40, зарах ханш 477.90, вонийн авах ханш 2.52, зарах ханш 2.65 төгрөг байна.
Өнөөдөр болох онцлох үйл явдлууд:
- 14.00 цагт Зам, тээврийн хөгжлийн сайд С.Бямбацогт сайдын нэрэмжит тэтгэлэгт тэнцсэн, зам, тээврийн мэргэжлээр идэвх, санаачилгатай, үр дүнтэй суралцаж буй оюутнуудад батламж гардуулна.
- 10.00-13.00 цагт "Үзэл бодлоо илэрхийлэх эрх чөлөө ба мэдэх эрхийн хэрэгжилт-2023" олон талт хэлэлцүүлэг болно.
Энэ өдөр дэлхийн түүхэнд:
- 1991 оны энэ өдөр Америкийн алдарт жүжигчин Жуллиан роуз мэндэлжээ.
- 2019 онд АНУ-ын сансрын хүчин 1947 оноос хойш анх удаагаа зэвсэгт хүчний анхны салбараа нээжээ.
- 2007 онд Испанийн алдарт зураач Пабло пикассогийн "The Portrait of Suzanne Bloch" бүтээл хулгайд алдагджээ.
- 2007 онд II Элизабет Их Британийн түүхэн дэх хамгийн урт насалж буй хатан хаанаар тодорчээ.
