Өнөөдөр гадаа -27 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 349 дахь өдөр бөгөөд он дуусахад 16 хоног үлдлээ.
- Цаг агаар өдөртөө -27 хэмийн хүйтэн бол шөнөдөө -38 градус хүйтэн байх нь ээ.
- Билгийн тооллын 3, Элдэв тэнгэртэн одтой, улаагчин хонь өдөр. Өдрийн наран 8 цаг 35 минутад мандан, 17 цаг 00 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно
- Валют арилжааны төвд ам.долларын авах ханш 3425.00 төгрөг, зарах нь 3432.00 төгрөг байна. Харин рублийн авах ханш 37.60, зарах ханш 38.00, юанийн авах ханш 479.00, зарах ханш 481.50, вонийн авах ханш 2.62, зарах ханш 2.65 төгрөг байна.
Өнөөдөр болох онцлох үйл явдлууд:
- 08.30-11.00 цагт “Бишрэлт” зочид буудалд: Харилцаа, холбооны хуульд нэмэлт, өөрчлөлт оруулах хуулийн төслийн хэлэлцүүлэгтэй.
- 09.00-12.00 цагт Хэвлэлийн хүрээлэнд: ХӨСҮТ-өөс сэтгүүлчдэд зориулсан “Элэгний гепатит вирусээс сэргийлэхэд ХМХ-ийн оролцоо” сургалт болно. Сургалтаар Гепатит вирусний халдварын тандалт, эмчилгээ, хяналтын талаар мэдээлнэ. Утас: 8001-1209, 8964-7777.
- 11.30 цагт “ЗМ” сонины мэдээллийн төвд: “Нийтийн эрхийн өмгөөллийн сүлжээ” ТББ-аас Газрын тухай хуультай холбоотой асуудлаар мэдээлэл хийнэ.
- 14.00 цагт Руни бичгийг тайлж уншсаны 130 жилийн ойд зориулсан “Түрэг судлал” сэдэвт оюутны эрдэм шинжилгээний хурал МУИС-ийн II байранд болно.
Энэ өдөр дэлхийн түүхэнд:
- 1930 — Испанид төрийн эргэлт хийх оролдлого бүтэлгүйтжээ.
- 1952 — Хятад улс Энэтхэгийн БНАСАУ-д гал зогсоох төлөвлөгөөг эсэргүүцэв.
- 1965 — Америкийн “Жемини-7” болон “Жемини-6А” сансрын хөлгүүд анх удаагаа багаар нислэг үйлдэж, сансарт анх удаагаа дөрвөн нисэгч зэрэг нисжээ. Тэд бол Фрэнк Борман, Жеймс Ловелл, Уолтер Ширра, Томас Стаффорд нар байлаа.
- 1976 – Самоа улс НҮБ-д элсжээ.
- 1989 — Румынд хувьсгал эхлэв.
- Олон улсын цайны өдөр.
- ОХУ-д өнөөдөр Албан үүргээ гүйцэтгэж яваад амиа алдсан сэтгүүлчдийг дурсах өдөр.
- Украинд Шүүхийн ажилтнуудын өдөр.
- Монголын маркшейдерийн өдөр
