Өнөөдөр гадаа -10 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 6-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 340 дахь өдөр бөгөөд он дуусахад 25 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -15 градус хүйтэн байх нь ээ.
- Билгийн тооллын 24, Харцага одтой, шар нохой өдөр. Буд гараг. Өдрийн наран 8 цаг 26 минутад мандан, 17 цаг 00 минутад жаргана. Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3436.00 төгрөг, зарах нь 3441.00 төгрөг байна. Харин рублийн авах ханш 31.67, зарах ханш 37.98, юанийн авах ханш 477.70, зарах ханш 482.30, вонийн авах ханш 2.50, зарах ханш 2.66 төгрөг байна.
Өнөөдөр болох онцлох үйл явдлууд:
- Төрийн ордонд "Нотлох баримтыг шинжлэн судлах" сонсгол үргэлжилнэ.
- Засгийн газрын ээлжит хуралдаан болно.
- 14.00 цагаас Их засаг танхимд Хүүхэд хамгааллын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын дэд хэсгийн хуралдаан болно.
Энэ өдөр дэлхийн түүхэнд:
- Өнөөдөр Канадад Эмэгтэйчүүдийн эсрэг хүчирхийллийг эсэргүүцэх өдөр тохиож байна.
- 1917 онд Финландын парламент Оросын бүрэлдэхүүнээс гарах, тусгаар улсын статус авах шийдвэр гаргажээ.
- 1921 онд Англи-Ирландын хэлэлцээр байгуулагдав. Хэлэлцээрээр яг жилийн дараа Ирланд тусгаар улс болжээ.
- 1991 онд Бүгд Найрамдах Болгар улсын шинэ Үндсэн хууль батлагджээ. Мөн оны энэ өдөр Украины зэвсэгт хүчин байгуулагдав
