Өнөөдөр гадаа -17 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 333 дахь өдөр бөгөөд он дуусахад 32 хоног үлдлээ.
- Цаг агаар өдөртөө -17 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 16, Гөрөөсөн толгой одтой, цагаан бар өдөр. Ангараг гараг. Өдрийн наран 8 цаг 16 минутад мандан, 17 цаг 4 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Балжинням өдөр. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3435.00 төгрөг, зарах нь 3440.00 төгрөг байна. Харин рублийн авах ханш 38.50, зарах ханш 38.90, юанийн авах ханш 483.70, зарах ханш 482.40, вонийн авах ханш 2.65, зарах ханш 2.67 төгрөг байна.
Өнөөдөр болох онцлох үйл явдлууд:
- "Хүрээлэн буй орчин - 2023" эрдэм шинжилгээний хурал 08.30 - 17:30 цагийн хооронд Монгол Улсын Их Сургуулийн Төв байр, Дугуй танхимд явагдана.
- 11.00 цагаас Монгол ньюс мэдээллийн төвд Дэлхийн цомын аварга шалгаруулах тэмцээнээс Монголын Гараар татах хүчний баг тамирчид таван алт хүртэж, медалийн дүнгээр шилдэг гурван улсад олгодог Дэлхийн цомыг анх удаа Монголын баг тамирчид эх орондоо авч ирсэн талаар мэдээлэл хийнэ.
- 11:00 цагаас Шадар сайд бөгөөд Эдийн засгийн хөгжлийн сайд Ч.Хүрэлбаатар “Цензургүй баг”-ийн сэтгүүлч Ж.Баттуулыг хуулийн байгууллагад өгсөн асуудлаар сэтгүүлч Ж.Баттуул тайлбар мэдээлэл хийнэ.
Энэ өдөр дэлхийн түүхэнд:
- 1976 оны энэ өдөр Америкийн алдарт жүжигчин Анна Фарис мэндэлжээ.
- 1963 онд алдарт Бийтлз "I want to hold your hand" нэртэй хит дуугаа цацжээ.
- 1972 онд "Pong" нэртэй анхны видео тоглоом гарчээ.
- 1987 онд Хойд Солонгосын цэрэг БНСУ-ын нэгэн нисэх онгоцонд бөмбөг суурилуулж, 115 хүний амийг авчээ.
- 2009 онд Вашингтоны кофе шопд 4 хүнийг буудан хороосон террорист халдлага гаржээ.
- 2013 онд "Мозамбик эйрлайнс 470" агаарын хөлөг сүйрч 33 хүн амиа алджээ. Тус ослыг амиа хорлох үйлдлээр онгоцны 1-р нисгэгч үйлдсэн нь илэрсэн юм.
