Өнөөдөр гадаа 12 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 313 дахь өдөр бөгөөд он дуусахад 52 хоног үлдлээ.
- Цаг агаар өдөртөө 12 хэмийн хүйтэн бол шөнөдөө 27 градус хүйтэн байх нь ээ.
- Билгийн тооллын 26, Харцага одтой, цагаагчин хонь өдөр. Өдрийн наран 7 цаг 48 минутад мандан, 17 цаг 23 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
- Валют арилжааны төвд ам.долларын авах ханш 3447.00 төгрөг, зарах нь 3452.00 төгрөг байна. Харин рублийн авах ханш 36.30, зарах ханш 36.70, юанийн авах ханш 476.00, зарах ханш 478.50, вонийн авах ханш 2.66, зарах ханш 2.68 төгрөг байна.
Өглөөд заавал мэдэж байх ёстой зүйлүүд:
- 09.00 цагт "Хэвлэл мэдээллийн салбарыг үнэн бодит мэдээлэл түгээх, соён гэгээрүүлэх чиглэлээр хөгжүүлнэ" зорилтын хэрэгжилтийг хангах хүрээнд хэвлэл мэдээллийн болон цахим орчинд хүүхэд хамгааллын бодлогыг хэрэгжүүлэх, хүүхдийг зохисгүй агуулгаас хамгаалахад тулгамдаж буй асуудал, гарц, шийдлийн талаар хэлэлцэх “Хэвлэл мэдээлэл ба хүүхэд хамгаалал” сэдэвт салбар дундын хэлэлцүүлгийг Соёлын яам, НҮБ-ын Хүүхдийн сантай хамтран зохион байгуулна.
- 09.00 цагт Бизнесийн орчин, хүний нөөц, хөдөлмөрийн зах зээл, бизнесийн стратеги гэх мэт өргөн сэдвүүдээр бизнесийн хэлэлцүүлэг болно.
- Соёлын салбарын урт, дунд хугацааны бодлого төлөвлөлтийг НҮБ-ын “Тогтвортой хөгжлийн хөтөлбөр”-тэй нийцүүлэх, соёлын нийгэм эдийн засгийн үзүүлэлтийг бодит хэмжих боломжийг бүрдүүлэхэд салбар дундын хамтын ажиллагааг бэхжүүлэх зорилгоор “Соёл 2030” хэлэлцүүлэг зохион байгуулна.
- 10:00 цагт Уур амьсгалын өөрчлөлт, Биологийн олон янз байдал, Цөлжилтийн тухай НҮБ-ын суурь конвенцуудын хэрэгжилтийг хангах төрийн байгууллагуудын зөвлөлдөх уулзалт эхэлнэ.
- “Зууны мэдээ” сонины “Үндэсний мэдээллийн төв”-д 11:30 цагаас Заамар сумын эрүүл үлдсэн ганц газар болох Төмстий багийн нутаг дэвсгэрийг хууль бусаар алтны лиценз болгон авч малчдын бэлчээрийг үгүй хийж байгаа Эрдэнэсийн-Эрэг ХХК-ийг эсэргүүцэж Заамар сумын малчид, ард иргэдийн төлөөлөл мэдээлэл хийнэ.
- 12:00 цагаас Мөнгө хүүлэлтийн эсрэг хамтдаа бүх төрлийн зээлийн хүүг жилийн 3% болгох D-parlament.mn дээр бүх ард түмний санал асуулгын тухай Б.Жагар мэдээлэл хийнэ.
Энэ өдөр дэлхийн түүхэнд:
- 1921 онд Ардын засгийн газраас “Номын хүрээлэн”-гийн дүрмийг баталжээ.
- 1927 онд Хятадад аварга том панда олджээ.
- 1985 онд 22 настай Гарри Каспаров дэлхийн 13 дахь шатрын аварга болов.
- 1989 онд Берлиний ханыг нурааж эхэлжээ.
- 1989 онд БНХАУ-ын удирдагч Дэн Сяопин БНХАУ-ын Цэргийн төв зөвлөлийн даргын албан тушаалаас огцров.
- 1994 онд Шри-Ланкийн Ерөнхий сайд байсан Чандрика Кумаратунга тус улсын анхны эмэгтэй Ерөнхийлөгч болжээ. Түүний ээж Сиримаво Бандаранаике Ерөнхий сайдаар томилогдов.
- Азербайжан улсын Төрийн далбааны өдөр тохиож байна.
- Камбожид Тусгаар тогтнолын өдөр болж байна.
