Өнөөдөр гадаа 13 хэм дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 284 дахь өдөр бөгөөд он дуусахад 81 хоног үлдлээ.
- Цаг агаар өдөртөө 13 хэмийн дулаан бол шөнөдөө -1 хэм хүйтэн байх нь ээ.
- Билгийн тооллын 27, Буд гараг. Бага морь одтой, хар бар өдөр. Өдрийн наран 7 цаг 5 минутад мандан, 18 цаг 13 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.долларын авах ханш 3454.00 төгрөг, зарах нь 3458.00 төгрөг байна. Харин рублийн авах ханш 34.50, зарах ханш 35.00, юанийн авах ханш 477.00, зарах ханш 479.50, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
-
11.00 цагт Төрийн ордонд “Өсвөр үеийн охидын зүрх сэтгэлийн боловсрол, үе тэнгийн гадуурхалт” сэдвийн дор Нийслэлийн ерөнхий боловсролын сургуулийн ахлах ангийн 1000 охидыг урьж чуулганыг зохион байгуулна.
-
11.00 цагт “Ulaanbaatar-Photo Week-2023” гэрэл зургийн үзэсгэлэнгийн нээлт болно.
“Зууны мэдээ” сонины “Үндэсний мэдээллийн төв”-д
- 11.30 цагаас Ардчилсан Намын дунд шатны даргын сонгуулийн маргааны тухай ЧД-ийн АН-аас мэдээлэл хийнэ.
- 12.00 цагаас Иргэдийн шударга шүүх ТББ, Монголын худалдаачдын холбоо, ТҮЦ-ээр амь зуугчдын холбооноос МАН-ын мөрийн хөтөлбөрийн амлалт яасан бэ сэдвээр мэдээлэл хийнэ. Эрхэм сэтгүүлчид та бүхнийг урьж байна.
Энэ өдөр дэлхийн түүхэнд:
- Олон улсын охидын эрхийг хамгаалах өдөр тохиож байна.
- Өнөөдөр АНУ-д Америкийн хувьсгалын үеийн агуу баатар Pulaski генералын дурсгалыг хүндэтгэх өдөр тохиож байна.
- 1989 онд Канад гаралтай Хятад дуучин, жүжүгчин Henry Lau мэндэлжээ.
- 1971 оны энэ өдөр сүмогийн 51 дэх ёкозүна Таманоүми Масахиро таалал төгсчээ.
- 1996 онд Бүгд Найрамдах Эстон улсад бага ангийн сурагчдын сууж явсан сургуулийн автобус осолдож, 8 хүүхэд амь насаа алджээ.
