Есдүгээр сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 262 дахь өдөр бөгөөд он дуусахад 103 хоног үлдлээ.
- Цаг агаар өдөртөө 16 хэмийн дулаан бол шөнөдөө 3 градус дулаан байх нь ээ.
- Билгийн тооллын 4, Ангараг гараг. Онгоц одтой, цагаан луу өдөр. Өдрийн наран 6 цаг 34 минутад мандан, 18 цаг 58 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Манай улсын голлох валют болох ам.долларын авах ханш 3462.00 төгрөг, зарах нь 3468.00 төгрөг байна. Харин рублийн авах ханш 35.70, зарах ханш 36.00, юанийн авах ханш 479.00, зарах ханш 481.00, вонийн авах ханш 2.62, зарах ханш 2.63 төгрөг байна.
Өнөөдөр болох онцлох үйл явдлууд:
- 9.00 цагт: Богдхан уулын дархан цаазат газрын хамгаалалтын захиргаанаас Манзуширын амны модонд самар түүхээр гарсан отгийг буулгана. Утас: 96068912
- 9.30 цагт: Олон улсын эрүүл мэндийн дүрмийн үндсэн чадавхын өөрийн үнэлгээний дүнг хэлэлцэх уулзалт Blue Sky-ийн 3 давхарт болно. Утас: 96121060
- 11.30 цагт: Сайн-Ардчилсан Иргэдийн нэгдсэн намын дарга Б.Жагар, цэцэрлэгийн багш, эцэг эхийн төлөөлөллөөс Цэцэрлэгийн хүүхдийн хоол хүнс, багш ажилчдын цалин хангамж нэмэх асуудлаар УИХ-ын даргад шаардлага хүргүүлэх тухай “Үндэсний мэдээллийн төв”-д мэдээлэл хийнэ.
- 12.00 цагт: МҮХАҮТ-ын мөнгөн хөрөнгө 7.5 төгрөг яасан бэ? самрын экспортын, махны экспортын, ковидын үеийн Замын-Үүдийн боомтоор ачаа тээврийн зохицуулалтын талаар ирсэн гомдол, Танхимын үйл ажиллагаа гишүүдэд хүрч байгаа эсэх талаар Хяналтын Зөвлөлөөс мэдээлэл хийнэ.
Энэ өдөр дэлхийн түүхэнд:
- Өнөөдөр Чили улсад Зэвсэгт хүчний баярын өдөр тохиож байна.
- 1985 онд Мехикод 8.0 баллын хүчтэй газар хөдөлж, 5000 орчим хүн амь насаа алдаж, 400 гаруй барилга нуржээ.
- 1991 онд The Iceman буюу Цtzi хэмээн нэрийддэг эртний хүний олдворыг Герман жуулчид Австри, Италийн хилийг заагладаг Similaun уулнаас олжээ.
- 1995 онд "Unabomber" хочит АНУ-ын террорист, математикийн гоц ухаантан Ted Kaczynski-ийн тунхагийг The Washington Post болон The New York Times сонинууд нийтэлж байжээ.
