Өнөөдөр Улаанбаатар хотод 24 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 10-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 222 дахь өдөр бөгөөд он дуусахад 143 хоног үлдлээ.
2. Цаг агаар өдөртөө 24 хэм дулаан, шөнөдөө 13 хэм дулаан байна.
3. Билгийн тооллын 24, зуны адаг сарын шаргачин хонь өдөр. Гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Түүнд төрсөн хүмүүн таван хоног хийгээд есөн сар, арван сар, арван жилд эс үхвээс номын явдалт, ядуувтар, үнэн өгүүлэгч, төрөл садандаа асрахуй сэтгэлт, урлахуй ухаанд мэргэн, өвөрчилөн сайн. Зуу наслана гэж номлосон. Өвдвөл найм арав хоногтоо хүчир, түүнээс хэтэрвэл амархан амирлана. Замд гарвал эд олно, тус бүхэн бүтнэ. Хулгайд алдвал дотнын нэгэн хүмүүн нь гадны хоёр хүмүүнтэй гурвуул хулгайлж аваад одсон, олдох нь нэн бэрх. Зүүн нүд татвал хувцас олно. Баруун нүд татвал жуулчин ирнэ. Баруун чих хангинавал баясгалантай болно. Зүүн чих хангинавал муу. Нохой уливал магалан болно. Хэрээ дуугарвал сайн муугийн ялгаагүй. Тагнай эрвэгнэвэл дээрэмчнээс болгоомжил. Бүх бие таталдвал аймшиг болно. Шилбэ татвал өвчний нигууртай гэж номлосон.
4. Валют арилжааны төвд ам.долларын авах ханш 3472.00 төгрөг, зарах нь 3476.00 төгрөг байна. Харин рублийн авах ханш 36.20, зарах ханш 36.70, юанийн авах ханш 484.00, зарах ханш 486.00, вонийн авах ханш 2.64, зарах ханш 2.64 төгрөг байна.
Өнөөдөр болох онцлох үйл явдал:
- 09.00 “Хүрээлэн буй орчны шинжлэх ухаан ба Технологи 2023” олон улсын эрдэм шинжилгээний бага хурал Holiday Inn Ulaanbaatar-т болно.
- Монгол Улсын Ерөнхийлөгчийн ивээл дор Олон улсын Монголч эрдэмтдийн их хурал өнөөдрөөс эхэлнэ.
- 11.00 Үндэсний мэдээллийн төвд Ногдол ашгаа авахын тулд Монгол Улсын ерөнхийлөгчөөс дэмжлэг хүснэ сэдвээр Ард түмний төлөөллөөс мэдээлэл хийнэ.
- 11.30 Үндэсний мэдээллийн төвд Хот хоорондын тээвэр эрхлэгчдийн холбооноос Авто вокзалыг нүүлгэн шилжүүлэхтэй холбоотой асуудлаар мэдээлэл хийнэ.
Энэ өдөр дэлхийн түүхэнд:
- 1985 оны энэ өдөр Какүрюү Рикисабүро буюу М.Ананд мэндэлжээ.
- 1993 оны энэ өдөр АОА хамтлагийн гишүүн Хэжүн мэндэлжээ.
