Өнөөдөр Улаанбаатар хотод 27 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 4-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 216 дахь өдөр бөгөөд он дуусахад 149 хоног үлдлээ.
- Цаг агаар өдөртөө 27 хэм дулаан, шөнөдөө 12 хэм дулаан байна.
- Билгийн тооллын 18, зуны адаг шарагчин хонь сарын долоон улаан мэнгэтэй хөх морь өдөр. Үс засуулбал эд малын гарлагатай. Хувцас урлах, орныг барих, санд нууцлах, элдэв урлалын үйлд сайн. Түүнд төрөгсөд хоёр буюу дөрвөн сар буюу найм есөн жилд үл үхвэл дотоод сэтгэл нь муу бөгөөд эцэг эх нь хоосрохуй гэм буй. Ариун явдалтай ч харамч, насны доод хэмжээ жаран дөрөв гэж номлосон. Өвдвөл долоо хоногоос амирлаюу. Замд гарвал төрөлхтний асрахуй яриаг сонсоно. Хулгайд алдвал цайвар шар царайтай, том нүдтэй ба их цэрдгэр тэр бээр аваачсанусны хөвөөг шүтсэн өвчтөн хүмүүн нэгэнд өгөөд одсон. Нэгэн хоногт эс олдвоос хойш олдох нь нэн бэрх. Зүүн нүд татвал эд хомсдоно. Баруун чих хангинавал өчүүхэн төдий айдас болно. Зүүн чих хангинавал хэрүүл тэмцэл болно. Нохой уливал шуугилдаан болох бөгөөд хэрээ дуугарвал жуулчин ирнэ. Тагнай эрвэгнэвэл сэтгэл үймрэнэ. Бие татвал үйл ойр тогтохуй болно. Шилбэний мах татвал үзэсгэлэн болюу.
- Валют арилжааны төвд ам.долларын авах ханш 3463.00 төгрөг, зарах нь 3470.00 төгрөг байна. Харин рублийн авах ханш 37.10, зарах ханш 37.60, юанийн авах ханш 485.50, зарах ханш 487.50, вонийн авах ханш 2.67, зарах ханш 2.69 төгрөг байна.
Өнөөдөр болох үйл явдал:
- 11.00 цагт “Зууны мэдээ” сонины “Үндэсний мэдээллийн төв”-д шашны байгууллагаас “Хүрээ цам-2023” наадмын тухай мэдээлэл хийнэ.
- 11.00 Алтан Овооны тэнгэрийг тайх тахилга хүүхдийн сур харваагаар эхэлнэ. Цаашид наймдугаар сарын 6-ныг хүртэл үргэлжилнэ.
- Монгол улсад төмөр замын тээвэр үүсэж хөгжсөний 85, "Улаанбаатар төмөр зам" ХНН байгуулагдсаны 74 жилийн ой, Төмөр замчдын мэргэжлийн баяр болно.
Энэ өдөр дэлхийн түүхэнд:
- 1961 онд Америкийн 44 дэх ерөнхийлөгч Барак Обама мэндэлжээ
- 1973 онд Монголын сумоч Кёкүтэнзан Такэши Б.Энхбат мэндэлжээ
