Өнөөдөр гадаа үүлэрхэг, 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 208 дахь өдөр бөгөөд он дуусахад 157 хоног үлдлээ.
- Цаг агаар өдөртөө 24 хэмийн дулаан бол шөнөдөө 13 хэм дулаан байх нь ээ.
- Билгийн тооллын 9, зуны адаг шарагчин хонь сар, зургаан цагаан мэнгэтэй улаан нохой өдөр. Өлзийтэй буяны үйлийг үйлдэх, номын үйлийг эхлэх, гүйцээх, сүм дуганыг нээх, амирлангуй, дэлгэрэнгүй, эрхшээх үйл бүхэнд сайн. Аюулаас зайлах, ламтай учирах, цагаан зүгийн үйлд сайн. Түүнд төрсөн хүмүүн зургаа, ес, арван сар амьдарвал билиг багатай, урин ихтэй, хүүхэд доодост энэрэнгүй, баатар зоригтой, наян нэг хүрч наслана гэж номлосон. Нохой уливал үхэгсэдийн сураг сонсох ба хэрээ дуугарвал нөхөртэйгөө учирна. Тагнай эрвэгнэвэл сайн хувийг олно. Бие таталдвал эцэг эхэд гэм болох нигууртай. Шилбэ таталдвал хэрүүл тэмцэл болохын нигууртай.
- Манай улсын голлох валют болох ам.долларын ханш авах нь 3442.00, зарах нь 3445.00 төгрөгтэй тэнцэж байгаа бол бусад валют болох рубль авах нь 38.10, зарах нь 38.30, харин юань авах нь 481.00, зарах нь 489.00 вон авах нь 2.65, зарах нь 2.70 төгрөг байна.
Өнөөдөр болох онцлох үйл явдлууд:
- 11.00 цагт: АН-аас “4.11” мэдээллийн цагаараа хотын удирдлага гамшгийн бэлэн байдал хангаж, үүссэн асуудлыг шийдвэрлэж, нийслэлийн иргэдийн эрүүл аюулгүй орчинд амьдрах үндсэн эрхийг хангаж чадахгүй байгаа талаар хөндөж мэдээлэл хийнэ.
- 11.00 цагт: Хууль зүйн Үндэсний төвд: Хуульчийн мэргэжлийн шалгалтын тов тогтоосонтой холбогдуулан Монголын Хуульчдын холбооноос хэвлэлийн бага хурал зарлажээ.
- 11.00 цагт: Зүүн хүрээ Дашчойлин хийдэд: Шашны зан үйлийн нэг Хүрээ цамын ёслол болно. Утас: 9905-4668.9906-5532.
- Архангай, Хэнтий, Төв аймгийн 100 жилийн ойн баяр наадам үргэлжилж байна.
Энэ өдөр дэлхийн түүхэнд:
- 1953 он Солонгосын дайнд АНУ, Хятад, Хойд Солонгос хоёр эвлэрэх гэрээ байгуулснаар дайн зогссон. Өмнөд Солонгосын Ерөнхийлөгч Сингман Ри гарын үсэг зурахаас татгалзсан ч эвлэрэх гэрээг сахин биелүүлэхээ амлаж байжээ.
- 1964 он Вьетнамын дайн: Өмнөд Вьетнам руу дахин таван мянган америк цэргийн зөвлөх илгээснээр Вьетнам дахь АНУ-ын цэргийн нийт тоог 21,000-д хүргэж байжээ.
- 1990 он ЗХУ-ын Бүгд Найрамдах Беларусь Улсын Дээд Зөвлөл Беларусь улс ЗХУ-аас салж, тусгаар тогтнолоо зарлав. 1996 он хүртэл энэ өдрийг Беларусийн тусгаар тогтнолын өдөр болгон тэмдэглэдэг байсан бөгөөд тухайн жил болсон бүх нийтийн санал асуулгын дараа тусгаар тогтнолын баярыг зургадугаар сарын 3-нд шилжүүлсэн.
- 1752 онд Америкийн жанжин, улс төрч Сэмюэл Смит мэндэлжээ.
