Өнөөдөр гадаа 23 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 25-ний өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 206 дахь өдөр бөгөөд он дуусахад 159 хоног үлдлээ.
2. Цаг агаар өдөртөө 23 хэмийн дулаан бол шөнөдөө 11 градус дулаан байх нь ээ.
3. Билгийн тооллын 7, Өвчнийг таслах, хуран үйлдэхүй, үсэг зурхайд суралцах, бэр буяны үйл хийгээд дайсныг номхотгоход сайн. Түүнд төрсөн хүмүүн найман хоног, найман сар, найман жилд эс үхвэл үнэн өгүүлэгч,дээд мэдэлтэн, мэргэн ариун явдалт, амьтанд туслагч нэгэн болно. Наян найм хүрч наслана гэж номлосон. Замд гарвал идээнд ханан, санасан хэрэг бүтмүй. Хулгайд алдвал хулгайч нь шар цайвар царайтай, хулгай дээрэмд баясагч, муу хувцас өмссөн тэр хүмүүн зүүн зүгт аваачаад яргачинд өгсөн. Зүүн нүд татвал үзэсгэлэн болох бөгөөд зүүн чих хангинавал буян болно. Нохой уливал хааны үйлийг үйлдэх хэрэг гарна. Хэрээ дуугарвал улай үзюү. Тагнай эрвэгнэвэл гэрт үзэсгэлэн болно. Бүх бие таталзвал эд олох болно. Шилбэний мах татвал буянтай болно. Үс засуулбал: Хэл ам, хэрүүл тэмцэл ирнэ
4. Манай улсын голлох валют болох ам.долларын ханш авах нь 3432.00, зарах нь 3445.00 төгрөгтэй тэнцэж байгаа бол бусад валют болох рубль авах нь 38.10, зарах нь 38.30, харин юань авах нь 481.00, зарах нь 489.00 вон авах нь 2.65, зарах нь 2.70 төгрөг байна
Өнөөдөр болох онцлох үйл явдлууд:
14.00 цагт “Интерном”-д: Сумогийн аварга Тернофужи Ган-Эрдэнийн Японд бэстселлер болоод буй “Ангалын ёроолоос өгсөх маргааш” номын нээлт болно.
-Сүхбаатар дүүргийн Эрүүгийн хэргийн анхан шатны шүүхэд: Яруу найрагч Ц.Хулан нарт холбогдох хэргийн гэм буруугийн шүүх хуралдаан үргэлжилнэ.
Энэ өдөр дэлхийн түүхэнд:
- 1567 — Өнөөгийнхөөр Венесуэл улсын нийслэл Каракас хот, тухайн үеийн Сантьяго суурин үүсэн байгуулагдсан.
- 1868 — Вайоминг нутаг 1868 онд Америкийн Нэгдсэн Улсын мэдэлд шилжсэн. Өдгөө нэгэн муж улс нь болжээ.
- 1920 — Францын зэвсэгт хүчин Дамаскыг эзэлсэн.
- 1925 — Зөвлөлт Холбоот Улсын цахилгаан мэдээний агентлаг (орос товчлол ТАСС) байгуулагдсан.
- 1957 — Францаас салж тусгаар тогтносон Бүгд Найрамдах Тунис Улс байгуулагдснаа зарлан тунхагласан.
- 2007 — Пратибха Патил Энэтхэг улсын түүхэн дэх анхны эмэгтэй ерөнхийлөгч болсон.
