Өнөөдөр гадаа 24 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 24-ний өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 205 дахь өдөр бөгөөд он дуусахад 160 хоног үлдлээ.
2. Цаг агаар өдөртөө 24 хэмийн дулаан бол шөнөдөө 13 градус дулаан байх нь ээ.
3. Билгийн тооллын 6, зуны адаг сарын есөн улаан мэнгэтэй харагчин хонь өдөр. Сүм, дуган, суварга босгох хийгээд мод шорооны үйл хийх эрэл эрэх, хураан цуглуулах бүхий л үйлд өлзийтэй сайн. Энэ өдөрт төрсөн хүмүүн таван хоног есөн жилд эс үхвэл хязгаар газарт голлон эрхшээсэн баялаг, хувь сайт нэгэн болно. Хурьцахуй сэтгэлт, ширүүн сэтгэлтэй, зөөлөн яриатай. Нас нь наян нэг хүрч наслана гэж номлосон. Өвчин болвол машид сэрэмжилж хянамгай бай. Замд гарвал тус хэрэг бүхэн бүтнэ. Хулгайд алдваас хулгайч нь хойд зүгээс ирсэн муу сэтгэлт нэгэн авч одсон, гэрийн зүүн зүгт хол биш газар буй, есөн хоногоос олюу. Нүд татвал эцэг эхэд айхуй шалтгаан ирэх, баруун чих хангинавал бүсгүй хүнтэй маргалдана. Зүүн чих хангинавал идээ, ундаа олдоно. Нохой уливал гэнэтийн зочин ирнэ. Энэ өдөр хэрээ дуугарвал дээд угсаат хүний хэл ам ирэх. Тагнай эрвэгнэвэл хэрүүл тэмцэл болно. Хөлийн мах татвал буянтай гэж номлосон
4. Манай улсын голлох валют болох ам.долларын ханш авах нь 3432.00, зарах нь 3445.00 төгрөгтэй тэнцэж байгаа бол бусад валют болох рубль авах нь 38.10, зарах нь 38.30, харин юань авах нь 481.00, зарах нь 489.00 вон авах нь 2.65, зарах нь 2.70 төгрөг байна
Өнөөдөр болох онцлох үйл явдлууд:
- 10.00 цагт: МҮХАҮТ-д: БНХАУ-ын Янтай хотын Худалдаа аж үйлдвэрийн нэгдсэн холбоо (Янтайн ерөнхий худалдааны танхим)-оос бизнес эрхлэгчид болон хөрөнгө оруулагчдын бизнес уулзалт зохион байгуулна.
- 11.00 цагт: Монголын Хүүхдийн төв номын сан, БНХАУ-ын ӨМӨЗО-ы хүүхдийн номын сангийн хамтын ажиллагааны хүрээнд “Childrens Central Library of Mongolia” өдөрлөг зохион байгуулна. Утас: 9311-1152.
Энэ өдөр дэлхийн түүхэнд:
- 1910 онд Османы эзэнт гүрэн Шкодер хотыг эзлэн авч, 1910 оны Албаничуудын бослогыг дарав.
- 1943 онд Дэлхийн 2-р дайн-Гоморра ажиллагаа эхэлсэн. Их Британи, Канадын онгоцууд шөнөдөө Гамбургийг, Америкийн онгоцууд өдөр нь хотыг бөмбөгдөж байлаа. Арваннэгдүгээр сард дээрх явдал дуусахад 9000 тонн тэсрэх бодис 30 гаруй мянган хүний аминд хүрч, 280 мянган барилга байгууламжийг сүйтгэжээ.
- 2019 онд Борис Жонсон Их Британийн Ерөнхий сайд болжээ.
- 1783 онд Венесуэлийн хоёр дахь ерөнхийлөгч, улс төрч Саймон Боливар мэндэлжээ.
- 1802 онд Францын зохиолч Александр Дюма мэндэлжээ.
- 1989 онд Өмнөд Солонгосын хөлбөмбөгчин Ким Тэ Хван мэндэлжээ.
- 1995 онд Америкийн сагсан бөмбөгчин К.Кузма мэндэлжээ.
