Өнөөдөр гадаа 24 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 199 дахь өдөр бөгөөд он дуусахад 166 хоног үлдлээ.
- Цаг агаар өдөртөө 24 хэмийн дулаан бол шөнөдөө 16 градус дулаан байх нь ээ. Мөн өдөртөө бага зэргийн бороо орно.
- Билгийн тооллын 1, Зургаан цагаан мэнгэтэй улаагчин үхэр өдөр. Замд гарвал идээ ундаа, хувцас, чимэг олдох нигууртай. Баруун нүд татвал садан төрөл ирэх, зүүн нүд татвал баясгалангийн хурим болно. Баруун чих хангинавал гаслан болох ба зүүн чих хангинавал алдаж, бүрэлгэхийг үзэх болно. Нохой уливал хэрүүл маргаан болох ба хэрээ дуугарвал жуулчин ирнэ. Тагнай эрвэгнэвэл аймшиг гарах болно. Бие татвал хэрүүл маргаан хийгээд уйтгарлахуй үг дуулна.
- Манай улсын голлох валют болох ам.долларын ханш авах нь 3442.00, зарах нь 3445.00 төгрөгтэй тэнцэж байгаа бол бусад валют болох рубль авах нь 38.10, зарах нь 38.30, харин юань авах нь 481.00, зарах нь 489.00 вон авах нь 2.65, зарах нь 2.70 төгрөг байна.
Өнөөдөр болох онцлох үйл явдлууд:
- 11.00 цагт: ҮСХ-нд: Монгол Улсын нийгэм, эдийн засгийн 2023 оны эхний хагас жилийн голлох үзүүлэлтүүдийг танилцуулах хэвлэлийн бага хурал болно.
Энэ өдөр дэлхийн түүхэнд:
- 1918 онд Нелмон Мандела, Өмнөд Африкийн бүрэн төлөөллийн ардчилсан сонгууиар сонгогдсон анхны ерөнхийлөгч. Тэрээр 1994-1999 онд Ерөнхийлөгчийн албыг хашиж байжээ.
- 1925 онд Адолф Гитлерийн “Миний тэмцэл” хэмээх бүтээл хэвлэгдэж байжээ.
