Өнөөдөр гадаа 22 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 188 дахь өдөр бөгөөд он дуусахад 177 хоног үлдлээ.
- Цаг агаар өдөртөө 22 хэмийн дулаан бол шөнөдөө 11 хэм дулаан байна. Мөн өдөртөө үүлшиж, дуу цахилгаантай бороо орно.
- Билгийн тооллын 19, Чөдөр одтой, улаан бар өдөр. Тухайн өдөр морь, нохой жилтнээ алилваа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, сан тавих, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Үс шинээр үргээлгэх буюу засуулбал "Сайн нөхөртэй учирна" хэмээжээ.
- Манай улсын голлох валют болох ам.долларын авах ханш 3438.00, зарах нь 3455.00, төгрөгтэй тэнцэж байгаа бол бусад валют болох рубль авах нь 37.50, зарах нь 38.50 юань авах нь 479.20, зарах нь 481.00, вон авах 2.63, зарах нь 2.65 төгрөг байна.
Өнөөдөр болох онцлох үйл явдлууд:
-
08.30 цагт ХӨСШТ-д Японы тусламжаар 21 аймгийн нэгдсэн эмнэлэг, ГССҮТ-ийн Түлэнхийн төвд туулах чадвар сайтай, бүрэн тоноглосон “Ниссан Патрол” түргэн тусламжийн автомашин хүлээлгэн өгнө. Мөн энэ үеэр цаг үеийн нөхцөл байдалтай холбоотойгоор ХӨСҮТ-өөс халдварт өвчнөөс урьдчилан сэргийлэх зөвлөгөө мэдээлэл өгнө. Утас: 9191-5340, 8911-9482.
-
10.00 цагт УИХ-ын хаврын чуулганы нэгдсэн хуралдаан болно.
-
11.00 цагт ШШГЕГ-ын байранд Хэнтий аймгийн Чингис хот хүртэл гүйлтээ эхлүүлж буй 407 дугаар хорих ангийн үйлдвэрийн дарга, гавьяат тамирчин, цэргийн хурандаа Б.Цэвээндашийг үдэн гаргана. Утас: 9595-6161.
-
11.40 цагт Үндэсний Их баяр наадмын Урианхай сурын харваа эхэлнэ. Утас: 9001-8899.
-
11.00 цагт “Хишиг Монгол” амралтын газарт БНСУ-ын олон улсын “Мирал” сан Монгол Улсад эмчлэгдэх боломжгүй өвчтэй хүүхдүүдийг эмчилж ирсэн 19 жилийн ойн үйл ажиллагаа болно. Тус сангийн тусламжаар 200 гаруй монгол хүүхэд зүрхний хагалгаанд оржээ. Утас: 9905-7870.
-
14.30-15.00 цагт УИХ-ын дарга Г.Занданшатарын урилгаар манай улсад айлчилж буй БНЭУ-ын парламентын доод танхимын дарга Ом Бирла тэргүүтэй төлөөлөгчид Газрын тос боловсруулах үйлдвэр байгуулах төслийн ажилтай оффист нь танилцана. (Айлчлалыг сурвалжилж буй сэтгүүлчид оролцоно).
Энэ өдөр дэлхийн түүхэнд:
- Өнөөдөр бол Дэлхийн Шоколадны өдөр.
- 1978 онд Соломоны арлууд Их Британиас салан тусгаарлаж, тусгаар тогтнолоо олж авчээ.
- 1980 онд Иранд анхны Шариатын байгууллага бий болжээ.
- 2007 онд "Live Earth" хэмээх буяны тоглолт болжээ.
- 1985 онд Дэлхийн номер 1 теннисчин Boris Becker Теннисны дэлхийн аварга шалгаруулах тэмцээнд түрүүлсэн хамгийн залуу тоглогч болсон бөгөөд тэр үед 17 настай байсан байна.
