Долдугаар сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 186 дахь өдөр бөгөөд он дуусахад 179 хоног үлдлээ.
- Цаг агаар өдөртөө 16 хэмийн дулаан бол шөнөдөө 8 градус дулаан байх нь ээ. Аянга цахилгаантай бороотой.
- Билгийн тооллын 17. Буд гараг. Зуны дунд шар морь сарын нэг цагаан мэнгэтэй хөх хулгана өдөр. Наран ургах, шингэх цаг нь 05:00 - 20:55. Энэ өдөр айн үйлсийг үүсгэх, баясгалангийн хурим үйлдэх, ялангуяа гэр бүл бололцох, газар хагалж тариа тарих, шинэ хувцас өмсөх, чимэг зүүх, бүжиг наадам үйлдэх зэрэг үйлд сайн. Хувцас урлах, орныг барих, санд нууцлах, элдэв урлалын үйлд сайн. Түүнд төрөгсөд хоёр буюу дөрвөн сар буюу найм есөн жилд үл үхвэл дотоод сэтгэл нь муу бөгөөд эцэг эх нь хоосрохуй гэм буй. Ариун явдалтай ч харамч, насны доод хэмжээ жаран дөрөв гэж номлосон. Өвдвөл долоо хоногоос амирлаюу. Замд гарвал төрөлхтний асрахуй яриаг сонсоно. Хулгайд алдвал цайвар шар царайтай, том нүдтэй ба их цэрдгэр тэр бээр аваачсанусны хөвөөг шүтсэн өвчтөн хүмүүн нэгэнд өгөөд одсон. Нэгэн хоногт эс олдвоос хойш олдох нь нэн бэрх. Зүүн нүд татвал эд хомсдоно. Баруун чих хангинавал өчүүхэн төдий айдас болно. Зүүн чих хангинавал хэрүүл тэмцэл болно. Нохой уливал шуугилдаан болох бөгөөд хэрээ дуугарвал жуулчин ирнэ. Тагнай эрвэгнэвэл сэтгэл үймрэнэ. Бие татвал үйл ойр тогтохуй болно. Шилбэний мах татвал үзэсгэлэн болюу.
- Манай улсын голлох валют болох ам.долларын ханш авах нь 3431.00, зарах нь 3436.00 төгрөгтэй тэнцэж байгаа бол бусад валют болох рубль авах нь 38.00, зарах нь 38.50, харин юань авах нь 477.00, зарах нь 479.00, вон авах нь 2.58, зарах нь 2.61 төгрөг байна.
Өнөөдөр болох онцлох үйл явдлууд:
- 08.30-12.30 цагт: Улаанбаатар хотын номын санд: Америкийн Соёл, мэдээлэл болон Америкийн Монгол Судлалын төвөөс "Уур амьсгалын өөрчлөлт хүний эрүүл мэндэд үзүүлэх нөлөөлөл" дугуй ширээний ярилцлага зохион байгуулна. Утас: 9910-9359.
- 09.00 цагт: УИХ-ын ажлын хэсэг, байнгын болон дэд хороод хуралдана. Нийгмийн бодлогын байнгын хорооноос хүүхдийн эрхийн талаар нийтийн сонсгол зохион байгуулна.
- 09.30 цагт: ЭМЯ-нд "Туслах технологийн түргэвчилсэн үнэлгээг ашиглах, хүртээмжийг хэмжих нь” судалгааны дүнг танилцуулах уулзалт болно. Энд хөгжлийн бэрхшээлтэй иргэдийн техник болон бусад хэрэгслийн судалгаа орж байна. Утас: 8911-9482.
- 10.00 цагт: ХӨСҮТ-ийн мэдээллийн төвд: Гэдэсний халдварт өвчин нэмэгдэх эрсдэл үүсэж буй талаар мэдээлэл хийнэ.
- 11.00 цагт: ШУА-ийн Палеонтологийн хүрээлэнд: “Динозавр фестивал-Монголд анх удаа” хэвлэлийн бага хурал болно. Утас: 7011-8283, 9595-9111.
- 11.00 цагт: “Интерном”-д: ШУА-иас “Дижитал эдийн засаг" номын нээлт болно. Утас: 9971-7977.
- 11.40 цагт: Нийслэлийн Засаг даргын Тамгын газрын танхимд: Улаанбаатар хотын Хөгжлийн корпорациас “Шилдэг зам” ХХК-тай нийслэлийн автозогсоолын менежментийг сайжруулах, “Бумбат даваа” ХХК-тай нийслэлийн засаг захиргааны 4-р байрыг шинэчлэн шинэ, бизнес төв болгох төсөл хэрэгжүүлэх гэрээнд тус тус гарын үсэг зурна.
- 11.40 цагт: БНХАУ-ын Засгийн газраас Монгол Улсын Засгийн газарт олгох нэг тэрбум ам.долларын хөнгөлөлттэй зээлийн хүрээнд “Улаанбаатар хотын төмөр зам доогуур авто замын нүхэн гарц барих” ажлын нээлт болно. Утас: 8808-4148.
Энэ өдөр дэлхийн түүхэнд:
- Өнөөдөр бол Алжир улсын Тусгаар тогтносон өдөр.
- Мөн өнөөдөр Армен улсын Үндсэн хуулийн өдөр тохиож байгаа юм байна.
- 1989 оны энэ өдөр Америкийн дуучин, гитарчин, ая зохиогч Joseph King мэндэлжээ.
- 2012 онд Европын хамгийн өндөр барилга болох Лондонгийн 310 метр өндөр "The Shard" нээгджээ.
- 2006 онд Хойд Солонгос дөрөв дэх богино хугацааны пуужингаа туршжээ.
- 2004 онд Индонезийн ерөнхийлөгчийн анхны сонгууль явагджээ.
