Өнөөдөр гадаа 17 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долоодугаар сарын 3-ны өдөр
Өглөөд заавал мэдэж байх ёстой зүйлүүд:
1. Өнөөдөр жилийн 184 дахь өдөр юм. Мөн он дуустал 181 өдөр үлдэж байна.
2. Цаг агаар өдөртөө 17 хэмийн дулаан бол шөнөдөө 8 хэм дулаан байх нь ээ.
3. Билгийн тооллын 15, Бурханы бясалгал хийх хийгээд тарни тоолохуй, янаг амрагийг дуудан хураахад сайн. Түүнд төрсөн хүмүүн ес хоног хийгээд хоёр сар, есөн жилд эс үхвээс баатарлаг хийгээд цэвэрч, эцэгтээ урин, хорлол үйлд хичээнгүй, насны доод хэмжээ жар гарна гэж номлосон. Өвдвөөс найман хоногт амирлаюу. Замд гарвал муу гаслан хагацал хийгээд хааны цаазын гэм ирэх нигууртай. Хулгайд алдвал хулгайч нь зүүнээс ирсэн хүмүүн, дольган хийгээд машид хянамгай тэр бээр хулгайлаад өнө холд одсон нэгэн хүмүүнд хуртаад олдохын нигуур буй. Зүүн нүд татвал хойд зүгээс жуулчин ирнэ. Баруун нүд татвал олдсоныг олно. Баруун чих хангинавал асрахуй хийгээд үзэсгэлэн лугаа учирна. Зүүн чих хангинавал буянтай гэж номлосон. Нохой уливал гэрийн тэнгэр алмаармуй. Хэрээ дуугарвал эд эдлэл олно. Тагнай эрвэгнэвэл жуулчин ирнэ. Бүх бие татганавал гаслан болно. Хувцас олдоно гэж номлосон.Үс шинээр үргээлгэх буюу засуулбал өлзийтэй сайн.
4. Манай улсын голлох валют болох ам.долларын ханш авах нь 3432.00, зарах нь 3436.00 төгрөгтэй тэнцэж байгаа бол бусад валют болох рубль авах нь 38.20, зарах нь 39.20, харин юань авах нь 475.00, зарах нь 477.00, вон авах нь 2.60, зарах нь 2.62 төгрөг байна
Өнөөдөр болох онцлох үйл явдлууд:
- 08.30-09.30 цагт УИХ дахь намын бүлгүүд, ажлын хэсэг, байнгын хороод хуралдана.
- 11.00 цагт Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулна.
- 12.00 цагт “ЗМ” сонины мэдээллийн төвд: Хэнтий аймгийн шүүх, прокурор, цагдаа нарын хууль бус үйлдлийн улмаас хэлмэгдсэн ар гэрийнхэн болох өндөр настан, 1-12 насны хүүхдүүд суулт хийж буй мэдээлнэ. Баян-Адарга сумын иргэн Гэрэлтуяа,Төмөр нарыг тус хэрэгт холбогдуулж тус бүр 2-2.6 жилийн хорих ялаар шийтгэжээ.
- 13.30 цагт “Туушин” зочид буудалд: Салхитын уурхайн хаалтын менежментийн жишиг төлөвлөгөөг танилцуулж, уг төлөвлөгөөг өгөх ёслолын ажиллагаа болно.
