Өнөөдөр гадаа 25 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 28-ны өдөр
Өглөөд заавал мэдэж байх ёстой зүйлүүд:
1. Өнөөдөр жилийн 180 дахь өдөр юм. Мөн он дуустал 185 өдөр үлдэж байна.
2. Цаг агаар өдөртөө 25 хэмийн дулаан бол шөнөдөө 9 хэм дулаан байх нь ээ.
3. Билгийн тооллын 11, Онгоц одтой, шар морь өдөр. Өдрийн наран 4 цаг 56 минутад мандан, 20 цаг 55 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно
4. Манай улсын голлох валют болох ам.долларын ханш авах нь 3433.00, зарах нь 3437.00 төгрөгтэй тэнцэж байгаа бол бусад валют болох рубль авах нь 40.10, зарах нь 40.70, харин юань авах нь 480.00, зарах нь 481.50, вон авах нь 2.63, зарах нь 2.65 төгрөг байна
Өнөөдөр болох онцлох үйл явдлууд:
- 09.00 цагт Төрийн ордонд: Гадаад хэргийн эмэгтэй сайд нарын уулзалт болж, нээлтэд Монгол Улсын Ерөнхийлөгч У.Хүрэлсүх оролцож үг хэлнэ.
- 09.00 цагт Р.Гандийн нэрэмжит Үйлдвэрлэл урлалын сургуулийн эсрэг талд орших NBB төвд: БНСУ-ын Газрын тосны газар /К-Петро/-аас бензиний хүхрийн агууламж тодорхойлогч багажийг АМГТГ-ын Уул уурхай, газрын тосны төв лабораторид хандивлах үйл ажиллагаа болно. Утас: 9572-4747.
- 10.00 цагт УИХ-ын чуулганы нэгдсэн хуралдаан болно .
- 11.00 цагт НОБГ-т: Нийгмийн эрүүл мэндийн Үндэсний төв хамтран гол, усны ослын эрсдэл, нөхцөл байдал, урьдчилан сэргийлэх талаар мэдээлнэ. Утас:9910-7367.
- 11.00 цагт “ЗМ” сонины мэдээллийн төвд: Ашигласан түлш, цацраг идэвхт хаягдлын менежментийн аюулгүй ажиллагааны конвенц болон хүний эрхийн асуудлаар ТББ-уудаас мэдээлэл хийнэ.
- 12.00 цагт Хэвлэлийн Хүрээлэнгийн мэдээллийн төвд: “Монголын Хэвлэл мэдээлэл-Өнөөдөр” судалгааны эмхэтгэлийн 2023 оны үндсэн мэдээллийг сэтгүүлчдэд танилцуулна.
Өнөөдөр дэлхийн түүхэнд:
- 1958: Бразил анх удаагаа дэлхийн хөл бөмбөгийн аварга болов.
- 1964: Зурагтын алсын удирдлагыг зохион бүтээжээ.
- 1976: Сейшелийн арлууд тусгаар улс болов.
- 2001: Кофи Аннан НҮБ-ын Ерөнхий нарийн бичгийн даргаар улиран сонгогджээ.
- 2007: АНУ-д анхны “iPhone” худалдаанд гарав.
