Өнөөдөр гадаа 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 26-ны өдөр Өглөөд заавал мэдэж байх ёстой зүйлүүд:
1. Өнөөдөр жилийн 177 дахь өдөр юм. Мөн он дуустал 188 өдөр үлдэж байна.
2. Цаг агаар өдөртөө 24 хэмийн дулаан бол шөнөдөө 12 хэм дулаан байх нь ээ.
3. Билгийн тооллын 8. Сүм, дуган, суврага босгох хийгээд мод шорооны үйл хийх эрэл эрэх, хураан цуглуулах бүхий л үйлд өлзийтэй сайн. Энэ өдөрт төрсөн хүмүүн таван хоног есөн жилд эс үхвэл хязгаар газарт голлон эрхшээсэн баялаг, хувь сайт нэгэн болно. Хурьцахуй сэтгэлт, ширүүн сэтгэлтэй, зөөлөн яриатай. Нас нь наян нэг хүрч наслана гэж номлосон. Өвчин болвол машид сэрэмжилж хянамгай бай. Замд гарвал тус хэрэг бүхэн бүтнэ. Хулгайд алдваас хулгайч нь хойд зүгээс ирсэн муу сэтгэлт нэгэн авч одсон, гэрийн зүүн зүгт хол биш газар буй, есөн хоногоос олюу. Нүд татвал эцэг эхэд айхуй шалтгаан ирэх, баруун чих хангинавал бүсгүй хүнтэй маргалдана. Зүүн чих хангинавал идээ, ундаа олдоно. Нохой уливал гэнэтийн зочин ирнэ. Энэ өдөр хэрээ дуугарвал дээд угсаат хүний хэл ам ирэх. Тагнай эрвэгнэвэл хэрүүл тэмцэл болно. Хөлийн мах татвал буянтай гэж номлосон
4. Манай улсын голлох валют болох ам.долларын ханш авах нь 3433.00, зарах нь 3438.00 төгрөгтэй тэнцэж байгаа бол бусад валют болох рубль авах нь 41.10, зарах нь 42.00, харин юань авах нь 479.00, зарах нь 481.50, вон авах нь 2.64, зарах нь 2.67 төгрөг байна.
Өнөөдөр болох онцлох үйл явдлууд:
1. 09.00 цагт: “Шангри-Ла” зочид буудалд: Монгол Улсын Ерөнхийлөгчийн ивээл дор Дэлхийн экспортыг дэмжих чуулга уулзалт Далайд гарцгүй хөгжиж байгаа орнуудын зөвлөлдөх уулзалтаар эхэлнэ.
2. 09.00 цагт: “Туушин” зочид буудалд: “Орчны эрүүл мэнд” үндэсний чуулганаар хүний эрүүл мэндэд агаар, орчин, уур амьсгалын өөрчлөлт хэрхэн нөлөөлж буйг хэлэлцэнэ: Утас: 9961-7156, 8911-9482.
3. 09.00 цагт: “Кемпинский” зочид буудалд: "Эх хүүхдийн эрүүл мэндийн тусламж үйлчилгээний чанар, аюулгүй байдлыг сайжруулах нь" үндэсний семинар болно. Утас:8911-9482.
4. 10.00 цагт: УИХ дахь намуудын бүлгүүд болон Ажлын хэсэг, түр хороод хуралдана.
5. 10.30 цагт: “Монгол ньюс” мэдээллийн төвд: “Синдерелла” эмнэлгээр үйлчлүүлээд хараагүй болсон иргэн мэдээлэл хийнэ.
“ЗМ” сонины мэдээллийн төвд:
6. 11:00 цагт: Монголын газрын тосны үйлдвэрийн ажилчдын хотхоны бүтээн байгуулалтын ажлыг гацааж байгаа удирдлагуудад хариуцлага тооцуулах талаар уг хотхоныг барьж байгаа үндэсний компаниудын төлөөллөөс мэдээлнэ.
7. 11.40 цагт: УИХ дахь АН-ын бүлэг тус намыг төлөөлөх эрхгүй талаар “Эрх чөлөө” төвөөс мэдээлнэ.
8. 11.40 цагт: Монголын уран зургийн галерейд: Дэлхийн Уугуул иргэдийн Оюун санааны өвлөн уламжлагчдын холбооноос (WUISP) зохион байгуулж буй "ГАРВАЛЬ" олон улсын үзэсгэлэн үргэлжилнэ. 7-р сарын 2 хүртэл үргэлжлэх уг үзэсгэлэнд Буриад, Киргиз, Монголын бүтээлчдийн бүтээлүүдийг дэлгэжээ.
Энэ өдөр дэлхийн түүхэнд:
- 1945 оны энэ өдөр ЗХУ-д генералиссимус гэх цэргийн дээд цолыг бий болгож, И.В.Сталинд олгожээ.
- Мөн 1945 оны энэ өдөр Сан-Францискод болсон чуулганаар 50 улсын төлөөлөгч санал нэгтэйгээр НҮБ-ын дүрмийг баталсан байна.
- 1977 оны энэ өдөр Америкийн Индианаполист Элвис Пресли сүүлчийнхээ концертыг тогложээ.
- 1979 оны энэ өдөр домогт боксчин Мохаммед Али зодог тайлж буйгаа зарлав.
- 1988 оны энэ өдөр Францын Мюлуз хотод болсон шоуны үеэр “Airbus A320” онгоцны анхны осол болж, гурван хүн амь насаа алджээ.
- 1994 оны энэ өдөр “Майкрософт” компани MS-DOS системийн худалдааг зогсоосноо албан ёсоор зарлав.
- 2015 оны энэ өдөр АНУ-ын Дээд шүүхээс Америкийн бүх мужид ижил хүйстнүүдийн гэрлэлтийг хүлээн зөвшөөрчээ.
- Өнөөдөр Эрүүдэн шүүлтэд хохирогчдыг дэмжих олон улсын өдөр тохиож байна. Улс орнуудаас Азербайжанд Зэвсэгт хүчний өдөр, Мадагаскарт Тусгаар тогтнолын өдөр, Румынд Төрийн далбааны өдөр, ӨАБНУ-д Эрх чөлөөний баярын өдөр юм.
