Өнөөдөр гадаа 28 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 15-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 166 дахь өдөр юм. Мөн он дуустал 199 өдөр үлдэж байна.
2. Цаг агаар өдөртөө 28 хэмийн дулаан бол шөнөдөө 10 хэм дулаан байх нь ээ.
3. Билгийн тооллын 27, Янаг амрагтайгаа учрахуй хийгээд абшиг авахуй, ус гатлахуй, угаал үйлдэхүй тэргүүнд сайн. Түүнд төрсөн хүмүүн хоёр хоног, далан хоёр хоног ба найман сард эс үхвээс хилэнцэт сэтгэлтэй, чалчаа өгүүлэгч, эд өчүүхэнтэй, урлахуй хийгээл огоорохуй арганд мэргэн, насны доод хэмжээ нь жар гарюу гэж номлосон. Өвдвөл арван хоногт анюу. Замд гарвал идээ ундаа, хувцас, чимэг олдох нигууртай. Баруун нүд татвал садан төрөл ирэх, зүүн нүд татвал баясгалангийн хурим болно. Баруун чих хангинавал гаслан болох ба зүүн чих хангинавал алдаж, бүрэлгэхийг үзэх болно. Нохой уливал хэрүүл маргаан болох ба хэрээ дуугарвал жуулчин ирнэ. Тагнай эрвэгнэвэл аймшиг гарах болно. Бие татвал хэрүүл маргаан хийгээд уйтгарлахуй үг дуулна. Үс шинээр үргээлгэх буюу засуулахад өлзийтэй сайн.
4. Манай улсын голлох валют болох ам.долларын ханш авах нь 3435.00, зарах нь 3450.00 төгрөгтэй тэнцэж байгаа бол бусад валют болох рубль авах нь 40.10, зарах нь 41.70, харин юань авах нь 482.50, зарах нь 483.50, вон авах нь 2.67, зарах нь 2.75 төгрөг байна.
Өнөөдөр болох онцлох үйл явдлууд:
- 09.00 цагт ГХЯ-нд: “Улаанбаатарын яриа хэлэлцээ” олон улсын VIII бага хурал эхэлнэ.
- 09.30 цагт Нээлттэй нийгэм форумд: “Нийгмийн сүлжээн дэх хүний эрх"-ийн асуудлаар хэлэлцүүлэг болно.
- 10.00 цагт “Шангри-Ла” зочид буудалд: “Тогтвортой санхүүжилтийн долоо хоног-2023” үргэлжилнэ.
- 10.00 цагт УИХ-ын нэгдсэн чуулган хуралдана.
- 10.00 цагт Түгжрэл бууруулах төслийн нэгжээс “Эрэл групп” ХХК дахь газар чөлөөлөлтийн уулзалт хийнэ. Тус компанийн эзэмшлийн газраар дайран өнгөрөх зам, гүүрийг тавьснаар хоногт 12 мянган тээврийн хэрэгсэл зорчиж, Чингисийн өргөн чөлөөний ачааллыг 21 хувиар бууруулах урьдчилсан тооцооллын талаар мэдээлнэ. Утас: 8810-3377, 8808-4148.
- 11.00 цагт МОНЦАМЭ агентлагийн Мэдээллийн төвд: Монгол Улсын Ерөнхийлөгчийн ивээл дор “Дэлхийн экспортыг дэмжих чуулга уулзалт”-ыг Улаанбаатар хотноо 6 дугаар сарын 26-29-нд зохион байгуулах талаар Монгол Улсын Ерөнхийлөгчийн Тамгын газар, ЭЗХЯ, ГХЯ, ХХААХҮЯ, МҮХАҮТ-аас хамтарсан хэвлэлийн бага хурал хийнэ.
- 11.00 цагт 21 дүгээр сургуульд: Боловсролын үнэлгээний төвөөс ЭЕШ-2023-ын талаар хэвлэл бага хурал хийнэ. Утас: 9166-6022.
- 11.30 цагт “ЗМ” сонины мэдээллийн төвд: Цахим залилангийн гэмт хэргийн хохирогчид хэвлэлийн хурал хийнэ.
- 15.00 цагт 2 дугаар сургуульд: СБД-ийн 7, 8-р хорооны нутаг дэвсгэрт “Их багтаамжийн авто зогсоол” барих талаар Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг болон албаныхан иргэдэд мэдээлэл өгч, танилцуулна.
- 19.00 цагт “Монарти Виртуал” галерейд: Зураач Н.Адьяабазарын "Composition" үзэсгэлэн нээгдэнэ.
Энэ өдөр дэлхийн түүхэнд:
- Өнөөдөр Итали улсын Инженерүүдийн баярын өдөр юм байна.
- 1953 оны энэ өдөр БНХАУ-ын дарга Си Зиньпин мэндэлжээ.
- 2013 онд Пакистанд автобусанд бөмбөг дэлбэрч, 25 орчим хүн амь насаа алдаж, 22 орчим хүн шархаджээ.
- 2014 онд Пакистан Хойд Вазирастаны босогчдын эсрэг албан ёсоор цэргүүдийг дайчилжээ.
- 1994 онд Израиль болон Ватикан хот дипломат харилцаа тогтоожээ.
