Өнөөдөр гадаа 21 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 14-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 165 дахь өдөр юм. Мөн он дуустал 200 өдөр үлдэж байна.
- Цаг агаар өдөртөө 21 хэмийн дулаан бол шөнөдөө 7 хэм дулаан байх нь ээ.
- Билгийн тооллын 26, Буд гараг. Харагчин туулай өдөр. Буяны үйл хийгээд хувцас өмсөх, чимэг зүүх зэрэгт өлзийтэй сайн. Замд гарвал сэтгэл хямрана. Хулгайд алдвал хойноос ирсэн нэгэн хулгайлаад хар нохойтой нэгэн хүмүүнд өгөөд, хоорондоо хямралдан маргаж эзэнд нь өгнө. Зүүн нүд татвал сайн хувийг олно. Баруун нүд татвал юу ч үл өөрчлөгдөнө. Баруун чих хангинавал үзэсгэлэн болно. Зүүн чих хангинавал үхлийн сураг сонсоно. Нохой уливал төрөлхтнөөс яруу сураг сонсоно. Хэрээн дуунд үрийг номлоогүй. Тагнай эрвэгнэвэл гэр орны эд арвижна. Бие таталзвал хар, шар хоёр ирнэ. Шилбэ татвал хэрүүл тэмцэл уйтгарлахуй үг яриа болно. Үс шинээр үргээлгэх буюу засуулахад жаргал үргэлжид ирнэ.
- Манай улсын голлох валют болох ам.долларын ханш авах нь 3435.00, зарах нь 3442.00 төгрөгтэй тэнцэж байгаа бол бусад валют болох рубль авах нь 41.00, зарах нь 41.40, харин юань авах нь 482.00, зарах нь 485.00, вон авах нь 2.63, зарах нь 2.65 төгрөг байна.
Өнөөдөр болох онцлох үйл явдлууд:
- 09.30-17.30 цагт: “Туушин” зочид буудалд: “Цахим орчин дахь хүүхэд хамгаалал” үндэсний хэлэлцүүлэг болно.
- 10.00 цагт: “Шангри-Ла” зочид буудалд: “Тогтвортой санхүүжилтийн долоо хоног-2023” үргэлжилж байна. Энэ хүрээнд “Ногоон санхүүжилт-Олон улсын чуулган” болж, Монгол Улсын Ерөнхийлөгч У.Хүрэлсүх нээж үг хэлнэ.
- 10.00 цагт: УИХ-ын Ажлын хэсэг, байнгын болон дэд хороод хуралдана.
- Засгийн газрын ээлжит хуралдаан болно.
- 11.00 цагт: “Монгол ньюс” мэдээллийн төвд: "Авто зам засвар арчлалт" ТӨХК-д орон нутагт үйл ажиллагаа явуулж буй 20 АЗЗА-ын газрыг нэгтгэхийг эсэргүүцэж Монголын авто замчдын ҮЭ-үүдийн холбоо мэдээлэл хийнэ.
Энэ өдөр дэлхийн түүхэнд:
- 1985 - Люксембургийн Шенген хотод Франц, Нидерланд, Люксембург, Герман улсууд визийн чөлөөт бүс буй болгох зорилгоор Шенгений гэрээг байгуулав.
- 1968 - Монгол Улсын улс төрч, Монгол Улсын 30 дахь Ерөнхий Сайд, Монгол улсын 6 дахь Ерөнхийлөгч, Ухнаагийн Хүрэлсүхийн төрсөн өдөр тохиож байна.
- 1944 онд АНУ-ын Агаарын хүчин Японыг бөмбөгдөж эхэлжээ.
- 1945 онд Фашист Германы ГХЯ-ны сайд Иоахим Риббентропыг зугтаж явахад нь Гамбург хотоос баривчилжээ.
- 1951 онд АНУ-д дэлхийн анхны компьютер “UNIVAC 1” худалдаанд гарч эхэлжээ.
- 1956 онд Английн цэрэг Суэцийн хоолойг орхижээ.
- 1962 онд Парис хотод 30 хүн Францын ерөнхийлөгч Шарль де Голлийн амь насанд халдахыг завдсан хэргээр баривчлагджээ.
- 1982 онд Фолклендийн дайн дуусжээ.
- 1985 онд Шенгений гэрээ байгуулжээ.
