Өнөөдрийн тухай таны мэдэх ёстой 23 зүйл: Дэлхийн аварга П.Орхон, Т.Тулга нар Чөлөөт бөхийн холбооны талаар мэдээлэл хийнэ

Өнөөдөр гадаа 23 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Зургаадугаар сарын 8-ны өдөр

Өглөөд заавал мэдэж байх ёстой зүйлүүд:

1. Өнөөдөр бол  жилийн  159 дахь өдөр юм. Мөн он дуустал 206 өдөр үлдэж байна.
2. Цаг агаар өдөртөө 23 хэмийн дулаан бол шөнөдөө 8 хэм дулаан байх нь ээ. 
3. Билгийн тооллын 20, Бархасвадь гараг. Нар 4 цаг 56 минутад хөөрч, 20 цаг 49 минутад жаргана. Өвчнийг таслах, хуран үйлдэхүй, үсэг зурхайд суралцах, бэр буяны үйл хийгээд дайсныг номхотгоход сайн. Түүнд төрсөн хүмүүн найман хоног, найман сар, найман жилд эс үхвэл үнэн өгүүлэгч,дээд мэдэлтэн, мэргэн ариун явдалт, амьтанд туслагч нэгэн болно. Наян найм хүрч наслана гэж номлосон. Замд гарвал идээнд ханан, санасан хэрэг бүтмүй. Хулгайд алдвал хулгайч нь шар цайвар царайтай, хулгай дээрэмд баясагч, муу хувцас өмссөн тэр хүмүүн зүүн зүгт аваачаад яргачинд өгсөн. Зүүн нүд татвал үзэсгэлэн болох бөгөөд зүүн чих хангинавал буян болно. Нохой уливал хааны үйлийг үйлдэх хэрэг гарна. Хэрээ дуугарвал улай үзюү. Тагнай эрвэгнэвэл гэрт үзэсгэлэн болно. Бүх бие таталзвал эд олох болно. Шилбэний мах татвал буянтай болно. Хулгай дээрмийг дарах, дайсныг номхотгох үйлд сайн. Амраг садан бололцох, багш шавьд барилдахыг тэвч. Үс засуулбал өлсөж ундаасна.
4. Манай улсын голлох валют болох ам.долларын ханш авах нь 3441.00, зарах нь 3448.00 төгрөгтэй тэнцэж байгаа бол бусад валют болох рубль авах нь 41.60, зарах нь 42.20, харин юань авах нь 486.00, зарах нь 488.00, вон авах нь 2.62, зарах нь 2.64 төгрөг байна.

Өнөөдөр болох онцлох үйл явдлууд: 

1. 08.00 цагт: Удирдлагын Академийн байранд: НҮБ, Удирдлагын академи, мэдээллийн МОНЦАМЭ агентлаг хамтран 6 дугаар сарын 7-13-нд зохион байгуулж буй “Монгол Улсад тогтвортой хөгжлийг хэрэгжүүлэх үр дүнтэй засаглал” үндэсний семинарын нээлт болно. Семинарын нээлтэд НҮБ-ын Монгол дахь суурин төлөөлөгч Тапан Мишра, НҮБ-ын Эдийн засаг, нийгмийн асуудал эрхэлсэн газрын Төрийн байгууллага, цахим засаглалын хэлтсийн дарга Жуванг Жу нарын албаны хүмүүс оролцоно.
2. 09.30-12.00 цагт: “Туушин” зочид буудалд: Төсвийн хөрөнгө оруулалт, эрүүл мэндийн үйлчилгээг сайжруулах, ил тод байдал, иргэдийн оролцооны MASAM II төслийн үр дүнг танилцуулна. Утас: 8805-4340.
3. 09.00 цагт: ХААИС-д: Хөдөө аж ахуйн салбар дахь инновацын шийдлүүдийг  бизнес эрхлэгч, хөрөнгө оруулагч нарт танилцуулах “AGRI SHOWCASE TOUR” үйл ажиллагаа болно. Утас: 9906-2806.
4. 09.00-09.40 цагт: “Корпорэйт конвеншн” төвд. Монгол, ОХУ, БНХАУ-ын ХАҮТ-уудын чуулган нээгдэнэ. 
5. 12.00 цагт: “Монгол ньюс” мэдээллийн төвд: Чөлөөт бөхийн холбооны талаар Чөлөөт бөхийн дэлхийн аварга П.Орхон, Т.Тулга нар мэдээлэл хийнэ.
6. 16.00 цагт: ОБЕГ-аас зарлан мэдээллийн дохиогоор иргэд нүүн шилжих дадлага сургуулийг зохион байгуулна.

Энэ өдөр дэлхийн түүхэнд:

1. 1867 - Австри-Унгарын гэрээний дараа Унгарын хаан ширээнд Австрийн угсаа залгамжлах хунтайж I Франц Йосеф суужээ.
2. 1887 - Америкийн зохион бүтээгч Херман Холлеритийн бүтээсэн цоолбор хуудас тоологч төхөөрөмжид патент олгов.
3. 1906 - АНУ-ын Ерөнхийлөгч Теодор Рузвельт Эртний дурсгалт зүйлийн тухай хуульд гарын үсэг зурав. Ингэснээр түүх, соёлын үнэ цэнтэй дурсгалт зүйл бүхий газарт газар эзэмших, олгох эрхийг хязгаарлажээ.
4. 1912 - Герман гаралтай Америкийн иргэн Карл Леммле киноны алдарт Юниверсаль студийг үүсгэн байгуулав.
5. 1928 - Бүгд найрамдах Хятад улсын Гоминданы цэргүүд Бээжин хотыг эзлэв. Тэд нийслэлийн нэрийг "Умардын нийслэл" гэж нэрийдхээр болжээ.
6. 1929 - Их Британийн Хөдөлмөрийн сайдад Маргарет Бондфильдийг томилов. Ингэснээр тус улсын түүхэнд сайдын суудалд суусан анхны эмэгтэй болсон юм.
7. 632 - Исламын шашны гол дүр, түгээн дэлгэрүүлэгч Мухаммад (570/571 оны орчимд мэндэлсэн)
8. 1795 - Францын эзэн хаан XVII Луй (1785 онд төрсөн)
9. 1845 - АНУ-ын долоо дахь Ерөнхийлөгч Эндрью Жексон (1767 онд төрсөн)
10. 1998 - Нигери улсын 10 дахь Ерөнхийлөгч Сани Абача (1943 онд төрсөн)
11. 2009 - Габон улсын Ерөнхийлөгч асан Омар Бонго (1935 онд төрсөн)
12. 2014 - Японы хунтайж, Кацүрагийн ханхүү Ёшихито (1948 онд төрсөн)
13. 2018 - Америкийн нэрт тогооч, аялагч Энтони Бурдейн (1956 онд төрсөн)