Өнөөдөр гадаа 23 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 149 дахь (өндөр жил бол 150 дэх) өдөр юм. Мөн он дуустал 216 өдөр үлдэж байна.
- Цаг агаар өдөртөө 23 хэмийн дулаан бол шөнөдөө 7 хэм дулаан байх нь ээ.
- Билгийн тооллын 9, Сумьяа гараг. Харцага одтой, улаагчин гахай өдөр. Өдрийн наран 5 цаг 00 минутад мандан, 20 цаг 39 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Дашням өдөр. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3448.00, зарах нь 3453.00 төгрөгтэй тэнцэж байгаа бол бусад валют болох рубль авах нь 42.70, зарах нь 43.20, харин юань авах нь 490.00, зарах нь 492.00, вон авах нь 2.61, зарах нь 2.63 төгрөг байна.
Өнөөдөр болох онцлох үйл явдлууд:
- 08.30-18.00 цагт: АШУҮИС-д: “Цар тахлын үеийн туршлага” сэдэвт эрдэм шинжилгээний хурал болно.
- 09.00 цагт: Соёлын төв өргөөнд Хилчин эмэгтэйчүүдийн чуулга уулзалт болж, Монгол Улсын Ерөнхийлөгч У.Хүрэлсүх оролцож, үг хэлнэ.
- 09.00 цагт: Гаалийн ерөнхий газарт: “Цахимаар мэдүүлэх, бүрдүүлэлтийн нэгдсэн төв”-ийн туршилтын талаар мэдээлж, хэлэлцүүлнэ. Утас: 9914-5985.
- 09.00 цагт: “Ramada” зочид буудалд: Мэдээллийн технологийн мэргэжилтнүүдийн шалгалтын зөвлөл (ITPEC)-ийн асуулт боловсруулагчдын Азийн ээлжит уулзалт болно.
- 09.00 цагт: АТГ-ын үүдэнд: иргэн Д.Отгонтуяа АТГ-т шаардлага хүргүүлж буй талаар мэдээлэл хийнэ.
- 10:00 цагт: Хууль зүйн үндэсний төвд: “Цахим орчинд хүний эрхийг хамгаалах эрх зүйн орчинг боловсронгуй болгох нь" эрдэм шинжилгээний хурал зохион байгуулна. Утас: 9119-0988.
- 11:00 цагт: Шүүхийн ерөнхий зөвлөлд: "Нээлттэй шүүх" хэвлэлийн бага хурал болж, Хөгжлийн банкны гэх 80 хүн, 4 хуулийн этгээдэд холбогдох хэргийн гэм буруугийн шүүх хуралдааны явц, "Нүүрс"-ний гэх тодотголтой хэргүүд шүүхэд шилжиж ирсэн талаар мэдээлнэ. Утас: 9898-0404.
- 11.00 цагт: Япон улсын ЭСЯ-нд: “МОНГОЛ-ЯПОНЫ СОЁЛЫН ХАРИЛЦАА" сэдэвт шуудангийн шинэ маркны нээлт болно.
- 11.00 цагт: Олон улсын энхийг сахиулагчдын өдрийг тохиолдуулан Үндэсний цэцэрлэгт хүрээлэн дэх “Монгол цэрэг-Энхийн төлөө” дурсгалын цогцолборт Монгол Улсын Зэвсэгт хүчин, төрийн цэргийн байгууллагуудаас энхийг дэмжих ажиллагаанд үүрэг гүйцэтгэсэн бие бүрэлдэхүүнд хүндэтгэл үзүүлнэ. Утас: 9999-7810, 9979-5099.
- 11.00 цагт: Монголын Хөрөнгийн биржид: “Хасбанк” ХХК-ийн анхдагч зах зээлийн арилжаа эхэлнэ.
- 14:00 цагт: Сэргээн засах төв эмнэлэгт: Хөгжлийн бэрхшээлтэй иргэдэд зориулсан урлагт суурилсан сэтгэл зүйн дэмжлэг үзүүлэх “Сэтгэлийн НАР” Арт терапи хөтөлбөрийн хүрээнд Урлагийн сэтгэл заслын кабинетын нээлт болно. Утас: 9829-9827.
Энэ өдөр дэлхийн түүхэнд:
- 1328 - Францын хаан ширээнд VI Филип суув.
- 1416 - Пиетро Лореданаар удирдуулсан Венецийн арми хүн хүчээр хавь илүү Оттоманын цэргийн хүчинд бут ниргүүлжээ.
- 1453 - Оттоманы эзэнт гүрний Султан II Мехмед Фатих 53 хоног бүсэлсний эцэст эзлэн авав. Ингэснээр Византын эзэнт гүрэн мөхсөн билээ.
- 1660 - Англи, Шотланд, Ирланд улсын нэгдсэн хаан ширээнд II Чарльз суув.
- 1733 - Америкийн нутаг дахь Францын колони Шинэ Франц уугуул иргэдийг боолчлохыг хүлээн зөвшөөрчээ.
- 1780 - Америкийн хувьсгал: Британийн цэргийн хүч Эх газрын армыг устгах зорилгоор хүчтэй дайралт хийв. Дайралтын улмаас 113 хүн амиа алдаж, 53 хүн шархаджээ.
- 1790 - Хойд Америкийн 13 колониос хамгийн сүүлд Род Айленд муж Үндсэн хуулийг хүлээн зөввшөөрчээ.
- 1807 - Оттоманы Султан бөгөөд Исламын Халифын суудалд IV Мустафа суув.
- 1848 - Висконсин муж Нэгдсэн улсын 30 дахь муж улс болжээ.
- 1861 - Хонконгийн Үндэсний худалдааны танхим байгуулагдав.
- 1867 - Австри-Унгарын санамж бичиг байгуулагдсанаар Австри-Унгарын эзэнт гүрэн албан ёсоор байгуулагджээ.
- 1868 - Сербийн хунтайж III Михало Обреновичийн амь насанд халдав.
- 1886 - Эмч Жон Пембертон "Атланта Журнал" сонинд "Кока-Кола" ундааны анхны сурталчилгааг нийтэлжээ.
