Монгол Улсаас БНХАУ-ын импортолсон коксжих нүүрсний хэмжээ энэ сард буурсан үзүүлэлт гарах төлөвтэйг sxcoal.com цахим хуудсанд мэдээллээ. Тус улсад манайхаас хамгийн их хэмжээгээр таваар нийлүүлдэг боомтоор өдөрт экспортолсон нүүрс үнэ нь хямдарч, эрэлт нь багассантай холбоотойгоор сүүлийн найман сарын доод түвшинд хүрсэн аж. Тавдугаар сарын 1-22-нд Гашуунсухайтын боомтоор өдөрт дунджаар 669 автомашин нэвтэрсний дийлэнх нь коксжих нүүрс тээвэрлэсэн бөгөөд өнгөрсөн арваннэгдүгээр сараас хойших доод түвшиндээ хүрсэн гэнэ. Урд хөршийн уурхайнууд дахь коксжих нүүрсний нөөц сүүлийн хоёр сард тасралтгүй өссөн байна.
Хамгийн сүүлд УУХҮЯ-наас мэдээлснээр 2023 он гарснаас хойшэнэ сарын 4-ний байдлаар Монгол Улсаас 19.77 сая тонн нүүрс экспортолсон дүн бий. Манай улсаас энэ жил нийлүүлэх нүүрсний хэмжээ 40 орчим сая тоннд хүрэхийг ч үгүйсгэхгүй хэмээн зарим мэргэжилтэн өмнө нь хэлж байв. Гэхдээ дээр дурдсанчлан өдгөө экспорт багасаж буй аж. Нөгөөтээгүүр, Монголын хөрөнгийн биржид явагдсан нүүрсний цахим худалдааны мэдээллээс харвал сүүлийн өдрүүдэд дуудах доод үнэ өсөлгүйгээр хэлцэл хийжээ.
