“Ард санхүүгийн нэгдэл”-ийн Ч.Ганхуяг, Б.Золбоо нарынхэргийг шүүх хурлыг хойшлууллаа

Сангийн дэд сайдын албан тушаал ха­шиж байсан, “Ард санхүүгийн нэгдэл” ХК-ийн Төлөөлөн удирдах зөвлөлийн дар­га Ч.Ган­­хуяг, тус нэгдлийн гүйцэтгэх за­хирал Б.Зол­боо нарт холбогдох хэр­гийг нийслэлийн Эрүү­гийн хэргийн давж заалдах шатны шүүхэд өчигдөр хэ­лэл­­­цэ­хээр товлоод байв. Гэвч шүүг­дэгч Ч.Ганхуяг өм­гөөлөгч авч эрхээ хам­гаа­­луулах хүсэлт гар­гасныг үндэслэн хойш­­­луулсан байна. Уг нь тэдэнд холбог­дох хэргийг энэ сарын 7-нд тус шүүх хэ­лэл­цэ­хээр товлосон боловч тэрбээр өм­гөө­лөг­чөөсөө татгалзсан аж. Тиймээс шүүг­дэгч­­дийн эрхийг хангах үүднээс до­лоо хо­­но­гийн хугацаагаар хойшлуулах за­хи­рамж шүүх гаргасан юм. 
Ч.Ганхуяг, Б.Золбоо нарт холбогдох хэргийг Сүхбаатар дүүргийн Эрүүгийн хэргийн анхан шатны шүүх 2024 оны аравдугаар сарын 9-нд хэлэлцээд хүний эрүүл мэндэд хөнгөн хохирол санаатай учруулсан гэм буруутайд тооцсон билээ. Улмаар Ч.Ганхуягийг 1350 нэгжтэй тэн­цэх хэмжээний буюу 1 350 000, Б.Золбоог 4000 нэгж буюу дөрвөн сая төгрөгөөр тор­гох ял шийтгэсэн байдаг. 
Шүүхийн эл шийтгэх тогтоолыг тэд үл зөвшөөрч, давж заалдана гэдгээ олон нийтийн сүлжээнд тухайн үед илэр­хийл­сэн төдийгүй “Төл­бөртэй мэдээгээр ч та хэд маань булуулж бай­гаа харагдана. Дуу­­га­рахгүй бол болохгүй нь. Эцэст нь бүр жаахан эмэгтэйг бүлэглэн зод­сон бо­лоод явчихлаа”, “Цагдаагийн байгуул­ла­га зөв­хөн тэр эмэгтэй болон түүнтэй хамт явж байсан залуусын мэдүүлгээр энэ хэргийг шийд­лээ. Иймд энэ гараад байгаа мэдээ төлбөртэй гэдгийг ойлгож эргэн тойрны хүмүүстээ зөв тайл­барлахыг хүсье” хэ­мээн бичиж байв. Өөрөөр хэлбэл, шүүх шийд­вэрлэсэн хэр­гийн­хээ та­лаар төл­бөр­тэй­гөөр мэдээ­лэл түгээдэг, хэв­лэлийнхэн төл­бөртэй мэдээ цацдаг гэсэн ут­гатай зүйл ярьж, бичсэн удаатай.

Г.Орчлон