Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 25-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 145 дахь өдөр бөгөөд он дуусахад 220 хоног үлдлээ.
2. Цаг агаар өдөртөө 11 хэмийн дулаан бол шөнөдөө 2 градус хүйтэн байх нь ээ.
3. Билгийн тооллын 6, Найралт эх одтой, харагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
4. Манай улсын голлох валют болох ам.долларын ханш авах нь 3451.00, зарах нь 3456.00 төгрөгтэй тэнцэж байгаа бол бусад валют болох рубль авах нь 43.10, зарах нь 43.40, харин юань авах нь 492.50, зарах нь 494.00, вон авах нь 2.62, зарах нь 2.63 төгрөг байна.
Өнөөдөр болох онцлох үйл явдлууд:
1. 09:00-17.00 цагт МУИС-ийн төв номын санд: “Даяаршлын үеийн хэвлэл мэдээлэл ба олон нийтийн харилцаа” олон улсын эрдэм шинжилгээний хурал болно.
2. 10.00 цагт Цөмийн судалгааны төвд: Академич, профессор Н.Содномын мэндэлсний 100 жилийн ойд зориулсан хүндэтгэлийн үйл ажиллагаа болно. Мөн ойн хүндэтгэлийн хурал МУИС-ийн төв байрны Эрдмийн зөвлөлийн танхимд 14:00 цагт болно. Утас: 9458-2204.
3. 10.00 цагт Төрийн ордонд: “Алдарт эх”-ийн одон гардуулах ёслолын ажиллагаа эхэлнэ.
4. 11.00 цагт Д.Сүхбаатарын талбайд: Монголын Өмгөөлөгчдийн холбооны 95 жилийн ойн хүрээнд өмгөөлөгч нар иргэдэд хууль зүйн зөвлөгөөг үнэ төлбөргүй өгнө.
5. 11.00 цагт “ЗМ” сонины мэдээллийн төвд: Дэлхийн менторууд Монгол зочлох гэж буй талаар мэдээлнэ.
6. 11.00 цагт Улсын ерөнхий прокурорын газрын үүдэнд: Нийслэлийн прокурорын орлогч А.Энхжаргалын “битүүмжлэх” шийдвэр нь хэрэгт шалгагдаагүй “Эрдэнийн босго” ХХК-ийн бусад хувьцаа эзэмшигчийг хохироож байгаа талаар хувьцаа эзэмшигчдын өмгөөлөгч мэдээлэл хийнэ. Утас: 881-19849.
7. 11.30 цагт: “Чингис хаан”-ы музейд ХАС банк олон нийтэд хувьцаа гаргаж буйг танилцуулах өдөрлөг зохион байгуулна.
8. ШУА-ийн Ботаникийн цэцэрлэгт хүрээлэнд хаврын эртэч ургамалтай танилцах өдөрлөг болно.
Дэлхий дахинд энэ өдөр болж байсан үйл явдлууд:
- МЭӨ 567 - Ромын хаан Сервиус Туллиус Этрускансуудыг буулган авсан баяраа тэмдэглэв.
- МЭӨ 240 - Хейлигийн сүүлт одны тухай түүхэн сурвалжид анх удаагаа тэмдэглэжээ.
- 1521 - Ариун Ромын эзэнт гүрний хаан V Чарльз Мартин Лютерийг тэрс үзэлтэн гэж зарлав.
- 1644 - Мин гүрний жанжин Ву Санги Манжуудтай хүч хавстран Их Цагаан хэрэмний гол хаалгыг онгойлгон нийслэл Бээжин хотноо нэвтэрчээ.
- 1738 - Пеннсильвани, Мерилэнд тунхаг гаргаснаас Коножокуларын дайн эцэслэв. Улмаар Пеннсильвани, Мерилэндийн хилийн зурвасыг эцсийн байдлаар батлан, сөрөгсдийг шоронд хорьжээ.
- 1787 - АНУ-ын Үндсэн хуулийн зөвлөл Филадельфи мужид хуралдаж долоон мужийг Нэгдсэн улсын бүрэлдэхүүнд элсэхийг дэмжив.
- 1809 - Испанийн колони Чукусака хотод эх орончид нэгдэн Испанийн түрэмгийллийн эсрэг тэмцлээ эхлүүлжээ.
- 1819 - Аргентинын Үндсэн хууль батлагдаж, тусгаар тогтносноо дэлхий дахинд зарлав.
- 1833 - Чили улс Үндсэн хуулиа соёрхон баталж, тусгаар тогтносноо нйитэд тунхаглажээ.
- 1837 - Доод Канад буюу одоогийн Квебек мужид Британийн засаг захиргааны эсрэг бослого дэгдэв.
