Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 24-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 144 дахь өдөр бөгөөд он дуусахад 221 хоног үлдлээ.
2. Цаг агаар өдөртөө 15 хэмийн дулаан бол шөнөдөө 7 градус дулаан байх нь ээ.
3. Билгийн тооллын 5, Найралт эх одтой, хар морь өдөр. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд, мал арвидна.ь 2.62 төгрөг байна.
4. Манай улсын голлох валют болох ам.долларын ханш авах нь 3450.00, зарах нь 3455.00 төгрөгтэй тэнцэж байгаа бол бусад валют болох рубль авах нь 43.10, зарах нь 43.40, харин юань авах нь 492.50, зарах нь 494.00, вон авах нь 2.62, зарах нь 2.63 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордны Их танхимд: "Монголын мэс заслын сувилагчдын анхдугаар зөвлөгөөн” болно. Утас: 8811-0629, 8911-9482.
- 08.30-15.00 цагт “Корпорэйт конвеншн” төвд: “ТОГТВОРТОЙ ХӨГЖЛИЙН ТӨЛӨӨХ ХАМТЫН САНААЧИЛГА, ТҮНШЛЭЛ-2023” үндэсний чуулган болно. БШУ-ны сайд Л.Энх-амгалан, БОАЖ-ын сайд Б.Бат-эрдэнэ, УИХ-ын Боловсрол, соёл, шинжлэх ухаан, спортын байнгын хорооны гишүүн Г.Дамдинням нар оролцоно.
- 09.00 цагт УИХ-ын ажлын хэсгүүд хуралдана.
- 11.00 цагт “ЗМ” сонины мэдээллийн төвд: “Буянт-Ухаа” олон улсын нисэх буудлын хөөрөх тайлбайд 5-р сарын 26, 27-нд зохион байгуулах “BU Airshow” өдөрлөгийн талаар зохион байгуулагчдаас мэдээлнэ.
- 14.00 цагт “Мишээл экспо”-д: Дүрслэх урлагийн “Art Fair-2023 Ulaanbaatar” үзэсгэлэн нээгдэнэ.
- 14.00-17.00 цагт МҮХАҮТ-ын Их танхимд: Монголын Маркетингийн холбооноос “Маркетингийн зөвлөгөө өгөх өдөрлөг”-ийг зохион байгуулна. Өдөрлөгөөр бизнес эрхлэгчдэд үнэ төлбөргүй зөвлөгөө өгнө. Утас: 9975-2511.
- 15.00 цагт ШУА-д: “Эрдэмтдийн үг” цувралаар “Үр тарианы ургац, чанарыг нэмэгдүүлэх физик-технологийн хэрэглээ, ач холбогдол, үр дүн” сэдвээр ХААИС-ийн доктор Р.Бүүвэйбаатар лекц уншина.
Дэлхий дахинд энэ өдөр болж байсан үйл явдлууд:
- 1218 - Загалмайтны тав дахь аян дайн Египетийн Акраг орхин гарав.
- 1276 - Шведийн хаан ширээнд Магнус Ладуласыг залах ёслол Уппсалагийн сүмд болжээ.
- 1567 - Шведийн хаан XIV Эрик, дагалдагчдынхаа хамтаар язгуур угсааны таван хүнийг хороов.
- 1607 - Америкийн Жеймстаун хотод Английн 100 иргэнийг албан ёсоор суурьшуулахаар болов. Энэ нь Английн засаг захиргаа колоничилсон Америкийн нутагт хүн суурьшуулсан анхны тохиолдол болсон юм.
- 1621 - Германы хаант улсын Протестант холбоо татан буугдав.
- 1626 - Одоогийн АНУ-ын Манхеттэн дүүргийг Бельгийн худалдаачин Петер Минуит худалдан авчээ.
- 1683 - Английн алдарт Оксфордын их сургуулийн дэргэд Ашмолинийн музей байгуулагдав. Энэ нь дэлхийд анх удаа их сургуулийн дэргэд их сургууль байгуулагдсан тохиолдол болсон билээ.
- 1798 - Ирландын эрчүүд нэгдэн холбоо байгуулж Английн эсрэг тэмцэл эхлүүлэв.
- 1813 - Өмнөд Америкийн улс төрийн лидер Симон Боливар Венесуэлийн Мерида хотыг эзлэн авч өөрийгөө "Тохинуулагч" гэж өргөмжилжээ.
- 1830 - Англи хэлт орнуудад түгэн тархсан хүүхдийн хамгийн алдартай дуу болох "Мери бяцхан хургатай" дууны үгийг Сара Жозефа Хейл зохиожээ.
