Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 139 дахь өдөр бөгөөд он дуусахад 226 хоног үлдлээ.
- Цаг агаар өдөртөө 6 хэмийн дулаан бол шөнөдөө 1 градус хүйтэн байх нь ээ.
- Билгийн тооллын битүүн, сугар гараг. Нэгэн эхийн зургаан хөвгүүн одтой, улаагчин үхэр өдөр. Өдрийн наран 5 цаг 09 минутад мандан, 20 цаг 28 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, мал арилжих, гэр бүрэхэд сайн. Цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3461.00, зарах нь 3465.00 төгрөгтэй тэнцэж байгаа бол бусад валют болох рубль авах нь 42.60, зарах нь 43.50, харин юань авах нь 496.50, зарах нь 498.50, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 09.00 цагт Шүүхийн ерөнхий зөвлөлд "Шүүхэд хэрэг хянан шийдвэрлэх ажиллагааны тулгамдсан асуудал" эрдэм шинжилгээний хурал болно.
- 09.30-17.00 цагт МУИС-ийн Багш, оюутны хөгжлийн төвд: АТГ-аас сэтгүүлчдэд зориулсан “Асуудлаас шийдэл рүү” сургалт хэлэлцүүлэг зохион байгуулна.
- 10.00 цагт УИХ-ын чуулганы нэгдсэн хуралдаан болно.
- 11.00 цагт Төрийн ордонд: Эрчим хүчний салбарын 100, 101 жилийн ойн баярын хурал болно.
- 12.00-13.30 цагт “Холидэй Инн” зочид буудалд: Монгол-Туркийн үйлдвэрлэгчдийн уулзалтыг “Монголд бид үйлдвэрлэв” ТББ болон Чингэлтэй дүүргийн ЖДҮ-ийг дэмжих төвөөс зохион байгуулж байна. Утас: 8889-9912, 8811-9179.
Дэлхий дахинд энэ өдөр болж байсан үйл явдлууд:
- Өнөөдөр Кыргызстан улсын Ээж нарын баярын өдөр тохиож байна.
- 1962 онд АНУ-ын 35 дахь Ерөнхийлөгч агсан Жонн Кеннедигийн төрсөн өдөрт зориулж Мадисон цэцэрлэгт хүрээлэнд салют буудуулж байсан бөгөөд Мэрилин Монро "Төрсөн өдрийн мэнд хүргэе" хэмээн бичиж байжээ.
- 1971 онд ЗХУ "Марс-2" нэртэй сансрын станцыг хөөргөж байжээ.
- 2012 онд Сирид бөмбөг дэлбэрч 9 хүний амийг авч оджээ.
- 1950 онд Египэт Суэцийн сувгийг хааж, Израйлийн хөлөг онгоц болон худалдаачдыг нэвтрүүлэхгүй хэмээн зарлажээ.
