Өнөөдөр гадаа 16 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 17-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 137 дахь өдөр бөгөөд он дуусахад 228 хоног үлдлээ.
2. Цаг агаар өдөртөө 16 хэмийн дулаан бол шөнөдөө 1 градус байх нь ээ.
3. Билгийн тооллын 28, Шийдэм одтой, хөхөгчин гахай өдөр. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба нялхсын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой.
4. Манай улсын голлох валют болох ам.долларын ханш авах нь 3458.00, зарах нь 3464.00 төгрөгтэй тэнцэж байгаа бол бусад валют болох рубль авах нь 43.10, зарах нь 43.80, харин юань авах нь 499.00, зарах нь 500.50, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 09.00 цагт СЭЗИС-д: Бизнесийн хөгжлийн талаарх “Асуудал ба гарц” форум болно.
- 09.00 цагт “Блью Скай” зочид буудалд: ХХААХҮЯ, Монголын Арьс ширний үйлдвэрлэлийн холбоо Гутал үйлдвэрлэгчдийн зөвлөгөөнийг зохион байгуулж байна. Дотоодын зах зээлээ хамгаалах, импортыг орлох 3 сая гутал үйлдвэрлэх боломжийн талаар хэлэлцэнэ.
- 09.00-11.00 цагт Төрийн ордонд: УИХ-ын ажлын хэсэг, Байнгын хороод хуралдана.
- 10.00 цагт АН-ын (С.Зориг агсны хөшөө) байранд: Тус намын дэргэдэх Ардчилсан Оюутны холбооны бүтцийг нийгэмд нээлттэй, ил тодоор зарлаж, ээлжит удирдлагын бүтцийг сонгох талаар мэдээлэх хэвлэлийн бага хурал зарлажээ. Утас: 9922-1368
- 11.00 цагт ҮСХ Монгол Улсын нийгэм, эдийн засгийн байдлын эхний 4 сарын статистик мэдээллийг танилцуулна. Мөн Монгол Улсын ДНБ, ажиллах хүч, өрхийн нийгэм, эдийн засгийн судалгааны 2023 оны эхний улирлын үзүүлэлтүүдийг мэдээлнэ.
Энэ өдөр дэлхийн түүхэнд:
- 1521 - Букингемийн гүн Эдуард Стаффордыг улс орноосоо урвасан гэх үндэслэлээр цаазаар авав.
- 1536 - Английн хаан VIII Хенри, Анна Болейн нар гэрлэлээ цуцлуулжээ.
- 1590 - Данийн хатан хаан Анна Шотландын хатан хаан болов.
- 1673 - Францын аялагч Луй Жоллье, Жак Маргет нар Миссиппи голыг судлах аяндаа гарчээ.
- 1792 - Баттонвүүдийн гэрээгээр Нью-Йоркын хөрөнгий бирж байгуулагдав.
- 1805 - Египтийн хаан ширээнд Валигийн гүн Мухаммад Али суужээ.
- 1809 - Францын эзэн хаан I Наполеон Папын харьяанд байсан мужуудыг булаан эзлэх зарлиг буулгав.
- 1814 - Норвегийн Үндсэн хуульд Данийн угсаа залгамжлах хунтайж Кристиан Фредерик гарын үсэг зурснаар Норвегийн хаан болжээ.
- 1859 - Австралийн үндэсний хөлбөмбөгийн дүрэм албан ёсоор батлагдав.
- 1863 - Францын хэл шинжээч Росалиа де Кастро "Кантарес Галлегос" ном хэвлүүлсэн нь галь хэл дээрх анхны ном болов.
- 1865 - Францын нийслэл Парис хотод Олон улсын харилцаа холбооны эвлэл үүсгэн байгуулагджээ.
- 1869 - Японы эзэн хааны арми Токугавагийн шогуны удирдлаганд захирагдаж байсан цэргийн хүчийг буулган авснаар "Шороон Луу жилийн дайн" албан ёсоор эцэслэв.
- 1912 - Ховдын манж сайд Богд хааны элч торгуудын эрэлхэг гүн Төмөржинг баривчилж цаазалжээ.
