Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 136 дахь өдөр бөгөөд он дуусахад 229 хоног үлдлээ.
- Цаг агаар өдөртөө 10 хэмийн дулаан бол шөнөдөө -1 градус байх нь ээ.
- Билгийн тооллын 276 Ангараг гараг. Дэлгэрүүлэгч одтой, хөх нохой өдөр. Өдрийн наран 5 цаг 13 минутад мандан, 20 цаг 24 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш авах нь 3458.00, зарах нь 3465.00 төгрөгтэй тэнцэж байгаа бол бусад валют болох рубль авах нь 43.80, зарах нь 44.30, харин юань авах нь 498.20, зарах нь 499.80, вон авах нь 2.59, зарах нь 2.61 төгрөг байна.
Өнөөдөр болох онцлох үйл явдлууд:
- 09.00-10.00 цагт Төрийн ордонд: УИХ-ын чуулганы нэгдсэн хуралдаан болно. Мөн УИХ дахь намуудын бүлгүүд хуралдана.
- 09.00-11.00 цагт Төрийн ордны Их танхимд: “Асуудал шийдэл” сэдвээр хөрсний бохирдлын талаар хэлэлцүүлэгтэй. Утас: 8808-4148.
- 10.00 цагт Боловсролын үнэлгээний төвд: Монгол хэл бичгийн шалгалтын үр дүн, багшийн болон байгууллагын үнэлгээний талаар мэдээлэх хэвлэлийн бага хуралтай. Утас 9166-6022.
- 09.00-16.00 цагт БОАЖЯ-нд: “Биологийн олон янз байдлыг хамгаалах өдөр”-ийг угтан “Биологийн олон янз байдал ба Байгалийн ургамал" хуралдаан болно. Утас: 9404-4104, 9926-9667.
- 10.30 цагт: ЗТХЯ-нд Тус яам ТЦА хамтран цаг үеийн асуудлаар мэдээлэл хийнэ. Утас: 8805-7167
Энэ өдөр дэлхийн түүхэнд:
- 1986 оны энэ өдөр "Өсвөрийн мэлхий нинжа", "Трансформерс" киноны од Америкийн жүжигчин Меган Фокс мэндэлжээ.
- Мөн 1981 оны энэ өдөр Португалийн алдарт хөлбөмбөгч Рикарду Кошта мэндэлжээ.
- 2011 онд АНУ-ын Кеннедигийн нэрэмжит Сансар судлалын төвөөс "Шаттл" сансрын хөтөлбөрийн хүрээнд "Эндевор" хөлөг сүүлийн нислэгээ үйлджээ.
- 2005 онд Кувейтын хаант улсад эмэгтэйчүүдийн эрхийг улс төрийн хүрээнд хангах хуулийн төслийг Үндэсний Ассемблей хэлэлцэн 35-23 харьцаагаар батлав.
- 1997 онд Зайр буюу одоогийн Конго улсын Ерөнхийлөгч Мобуту Сесе Секо цэргийн эргэлтийн улмаас эх орноосоо дүрвэн гарав.
- 1988 онд Их Британи, Умард Ирландын нэгдсэн Хаант улсын Хатан хаан II Элизабет АНУ-ын Конгресст үг хэлэв. Ингэснээр АНУ-ын Конгресст үг хэлсэн Их Британийн анхны төрийн тэргүүн болсон юм.
- 1929 онд АНУ-ын Калифорни мужийн Лос Анжелес хотод кино урлагийн шилдгүүдийг шалгаруулах Академийн наадам буюу Оскарын наадам анх удаагаа зохиогджээ. Анхны наадымн шилдэг киногоор "Даль Жигүүр" кино шалгарсан юм.
