Өнөөдөр гадаа 17 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 135 дахь өдөр бөгөөд он дуусахад 230 хоног үлдлээ.
- Цаг агаар өдөртөө 17 хэмийн дулаан бол шөнөдөө 5 хэм хүйтэн байх нь ээ. Мөн хур тунадастай байх юм байна.
- Билгийн тооллын 26, Могойг хүлэгч одтой, харагчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр эм, эмнэлэгийн элдэв үйл, хагалгаа хийлгэх, биеийн тамирыг сэргээх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвөлгөөн хийх, байшингийн суурь тавих, угаал үйлдэхэд муу. Үс шинээр үргээлгэх буюу засуулбал жаргал үргэлжил ирэх сайн хэмээжээ.
- Манай улсын голлох валют болох ам.долларын ханш авах нь 3460.00, зарах нь 3465.00 төгрөгтэй тэнцэж байгаа бол бусад валют болох рубль авах нь 44.10, зарах нь 44.70, юань авах нь 500.00, зарах нь 501.50, вон зарах нь 2.63, зарах нь 2.65 төгрөг байна.
Өнөөдөр болох онцлох үйл явдлууд:
-
10:00 цагт Хангарди ордонд Улаанбаатар хотын ерөнхий менежер болон төсөл хэрэгжүүлэгч нараас Бага тойрууд эхэлсэн дулааны шугамын засварын талаар мэдээлнэ. Утас 9916-0069.
-
10:30 цагт ЧД-ийн Гэр бүл, залуучуудын хэлтэст Тэтгэврийн шинэчлэлийн асуудлаар Европын холбооноос нэр хүндтэй зөвлөхүүд оролцлсон "Тэтгэврийн шинэчлэл хийхэд дэмжлэг үзүүлэх семинар" болно.
-
11:00 цагт ЦХХХЯ-нд сайд Н.Учрал Засгийн газрын “Шилэн” ажиллагааны хүрээнд нийслэлийн Засаг дарга нарын олгосон газрын талаар 36.985 мэдээллийг шилэн болгож буйг мэдээлнэ. Улмаар тус мэдээллйг www.shilen.gov.mn сайтад нээлттэй байршуулж байна. Утас: 9910-3830.
-
12:00 цагт “ЗМ” сонины мэдээллийн төвд Нийслэлийн 105-р сургуулийн 7 дугаар ангийн сурагч Бямбаагийн Одонзул, Одончимэг нар сэтгүүлчдэд уран нугаралтын үзүүлбэр үзүүлж ААВДАА ХАЙРТАЙ тоглолтынхоо талаар мэдээлнэ. Ихэр охидын аав 12 жил хэвтэрт байсан бөгөөд охид Сүхбаатарын талбай дээр хандивын аян өрнүүлж Төв аймгийн 7 сумаар аялан тоглолт хийгээд ирсэн талаар мэдээлнэ.
Энэ өдөр дэлхийн түүхэнд:
- Өнөөдөр Олон улсын гэр бүлийн өдөр тохиож байна.
- 2010 онд Австралийн иргэн 17 настай Жессика Уатсон дэлхийг завиар тойрсон хамгийн залуу хүн болжээ.
- 2008 онд АНУ-ын Калифорни муж ижил хүйстний гэрлэлтийг хуулиар хүлээн зөвшөөрсөн АНУ-ын хоёр дахь муж болов.
- 2004 онд Английн хөлбөмбөгийн премьер лигт Арсенал клуб нэг ч хожигдолгүй түрүүлэв.
- 1991 онд Францын Ерөнхий сайдын суудалд Эдит Крессон томилогдсоноор энэ албыг хашсан анхны эмэгтэй улстөрч болжээ.
- 1987 онд ЗХУ задгай сансраас зэвсэг удирдах боломж бүхий Полюс хөлгийг хөөргөсөн боловч бүтэлгүйтэв.
- 1972 онд АНУ-ын тусгай захиргаанд байсан Рюүкюү арал Япон улсын мэдэлд эргэн шилжжээ. Тус арал нь 1945 оноос хойш АНУ-ын тусгай захиргаанд байжээ.
