Өнөөдөр гадаа 17 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 12-ний өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 132 дахь өдөр бөгөөд он дуусахад 233 хоног үлдлээ.
2. Цаг агаар өдөртөө 17 хэмийн дулаан бол шөнөдөө 2 хэм хүйтэн байна.
3. Билгийн тооллын 22, Тооно одтой, цагаан морь өдөр. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
4. Манай улсын голлох валют болох ам.долларын ханш авах нь 3458.00, зарах нь 3465.00 төгрөгтэй тэнцэж байгаа бол бусад валют болох рубль авах нь 43.50, зарах нь 44.00, харин юань авах нь 501.00, зарах нь 503.00, вон авах нь 2.65, зарах нь 2.68 төгрөг байна.
Өнөөдөр болох онцлох үйл явдлууд:
- 08.30 цагт ХЗДХЯ-нд: "Допинг ба спортын авлига" сэдэвт хэлэлцүүлэгтэй. Утас: 266210, 9119-0988.
- 09.00 цагт МУБИС-д: “Хувьсаж буй боловсрол-Шинэ үеийн суралцагч” сэдэвт олон улсын эрдэм шинжилгээний хурал болно. Утас: 8810-2915.
- 11.00 цагт СТӨ-нд: Монгол Улсын Ерөнхийлөгчийн ивээл дор зохион байгуулах “Бидний сувилагч-Бидний ирээдүй” Олон улсын сувилагчдын өдөрт зориулсан ёслол хүндэтгэлийн үйл ажиллагаа болно. Утас: 9191-5340, 8911-9482.
- 11.00 цагт ХӨСҮТ-д: Covid-19 нөхцөл байдал, салхинцэцэг, гар хөл амны өвчин, сэрэмжлүүлэг, Улаанбурхан өвчний нөхцөл байдал, нөхөн дархлаажуулалтын талаар мэдээлнэ. Утас: 8964-7777.
- 11.00-13.00 цагт Мод тарих өдрүүд эхэлж, нийслэлд “Ногоон хот-иргэний оролцоо” уриан дор Баянзүрх дүүргийн 20-р хороо, Гачууртын замд мод тарина.
- 12.00 цагт “Мишээл Экспо”-д: "Barilga Expo-2023" үзэсгэлэн яармагийн хүрээнд Улаанбаатар хотод хэрэгжиж буй шинэ орон сууц, амины орон сууцны төслүүдийг танилцуулах “Шинэ орон сууц, Үл хөдлөх хөрөнгө” үзэсгэлэнгийн хэсэг нээгдэнэ. Утас: 9100-0222.
- 12.00 цагт “ЗМ” сонины мэдээллийн төвд: АН-ын дарга Л.Гантөмөрийг дүрмийн дагуу үйл ажиллагаагаа явуулахыг шаардаж тус намын "Эрх чөлөөний төв"-өөс мэдээлэл хийнэ.
- 18.00 уагт “Монгол Арт” галерейд: Зураач, уран бүтээлч Д.Батбилэг, Б.Эрдэнэбаяр нарын “Be ready” марсын арт-үзэсгэлэн нээгдэнэ.
Энэ өдөр дэлхийн түүхэнд:
- 254 - Ромын пап ламын сэнтийд I Стефан залрав. Тэрээр Католик шашны тэргүүн сэнтий папын суудалд заларсан 23 дахь пап болсон юм.
- 907 - Хожмын Лиан гүрний хаан Жү Венийн цэрэг Тан гүрний хаан Айн цэргийг бут ниргэжээ. Ингэснээр Хятадын нутаг дэвсгэрт 300 гаруй жил оршин тогтносон Тан гүрэн мөхсөн билээ.
- 1191 - Английн хаан I Ричард Наваррын гүнж Беренгариатай гэрлэв.
- 1364 - Польшийн хамгийн эртний их сургууль болох Яагиелонианы их сургууль Харьков хотод байгуулагджээ.
- 1510 - Анхуа аймгийн хунтайж Жү Жифан тэргүүтэй албаны хэд, хэдэн төлөөлөгчдийг цайллага нэрийн дор хоморголон устгав. Мин гүрний их хаан Женгде үүнийг оройлон оролцсон бөгөөд Мин гүрэн улам хүчирхэгжсэн байна.
- 1551 - Хойд болон Өмнөд Америк тив дэх хамгийн эртний сургууль болох Сан Маркосын үндэсний их сургууль Перу улсын нийслэл Лима хотод байгуулагджээ.
- 1588 - Францын шашны дайн: Гүйсийн гүн I Анри Парис хотод нэвтэрснээр Францын хаан III Анри эх орноосоо дүрвэв.
- 1689 - Уиллиам хааны дайн: Английн хаан III Уиллиам Аугусбургийн лигт нэгдэн орсноор Францтай дайн зарлажээ.
- 1743 - Ариун Ромын эзэнт гүрний хаан ширээнд Мариа Тереза суужээ. Тэрээр хаан ширээний төлөөх өрсөлдөөнд хүчтэй өрсөлдөгч VII Чарльзыг ялж хатан хаан болсон юм.
- 1778 - Ариун Ромын эзэнт гүрний харьяанд багтах Ройсс-Грайцын вант улсын вангаар тодорсон XI Хайнрих албан ёсны далбаагаар хар, улаан, шар өнгийг сонгов. Ингэснээр орчин цагийн Герман улсын төрийн далбаа анх удаа ашиглагдсан нь энэ болсон билээ.
- 1780 - Америкийн хувьсгал: Өмнөд Каролина мужийн Чарльзтон хотод Эх газрын арми том ялагдал хүлээв.
- 1784 - 1783 оны есдүгээр сарын 03-ны өдөр баталсан Парисын тунхаг албан ёсоор хэрэгжиж эхэлжээ. Ингэснээр Их Британи болон АНУ энхийн гэрээ хүчин төгөлдөр хэрэгжиж эхэлсэн юм.
- 1797 - Францын хаан I Наполеон Венецийг эзлэв.
