Өнөөдөр гадаа 9 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 5-ны өдөр
Өглөөд заавал мэдэж байх ёстой зүйлүүд:
1. Өнөөдөр жилийн 125 дахь өдөр юм. Мөн он дуустал 240 өдөр үлдэж байна.
2. Цаг агаар өдөртөө 9 хэмийн дулаан бол шөнөдөө 3 хэм хүйтэн байх нь ээ.
3. Билгийн тооллын 15, Салхины эх одтой, харагчин гахай өдөр. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сан тавиулах, угаал үйлдэх, нялхсын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Сар хиртэнэ, 05/05-ны 23:14-аас 05/06-ны 03:31 хооронд 4 цаг 18 минут үргэлжлэх ба оргил үе нь 05/06-ны 01:22-д харагдана. Үс шинээр үргээлгэх буюу засуулбал өлзийтэй сайн.
4. Манай улсын голлох валют болох ам.долларын ханш авах нь 3470.00, зарах нь 3475.00 төгрөгтэй тэнцэж байгаа бол бусад валют болох рубль авах нь 42.80, зарах нь 43.20, юань авах нь 504.00, зарах нь 506.00, вон 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 09.00 цагт “Холидэй Инн” зочид буудалд: Олон улсын эх баригчдын өдрийг тохиолдуулан ЭМЯ “Эх баригч мэргэжлийн үнэ цэнэ, манлайлал” зөвлөлдөх уулзалт зохион байгуулна. Утас:8911-9482, 9916-7777.
- 09.00 цагт “Корпорэйт Эвент холл”-д: Улсын II эмнэлэг “Дурангийн мэс заслын ололт амжилт” олон улсын эрдэм шинжилгээний хурал зохион байгуулж байна. Утас: 8802-9051, 8800-1862, 9155-6677.
- 09:00 цагт Хэвлэлийн хүрээлэнд: Монголын мэдээллийн орон зай дахь БНХАУ-ын нөлөөллийг тодруулах судалгааны дүнг танилцуулж, хэлэлцэнэ. Утас: 9575-8040.
- 10:00 цагт Төрийн ордонд: УИХ-ын чуулганы нэгдсэн хуралдаан болно.
- 11:00 цагт МУБИС-ийн төв байранд: Техник технологийн улсын олимпиадын нээлт болно.
- 11.00 цагт “Мишээл Экспо”-д “Барилга Экспо-2023” олон улсын үзэсгэлэн-яармаг нээгдэнэ.
Энэ өдөр дэлхийн түүхэнд:
- 553 - Константинополийн хоёр дахь зөвлөл үйл ажиллагаагаа эхлүүлэв.
- 1215 - Засаг төртэйгөө тэрсэлдэгч гүн хэргэмтэнгүүд Английн хаан Жонтой найрамдлын тунхагт гарын үсэг зуржээ.
- 1260 - Их Монгол улсын хаан ширээнд Хубилай суув.
- 1494 - Аугаа аялагч Кристофер Колумб Ямайк аралд зангуугаа буулгажээ.
- 1640 - Английн хаан I Чарльз парламентаа тараав.
- 1654 - Кромуэллийн тунхагаар Шотландууд Англи улстай нэгдэв.
- 1762 - Хаант Орос улс, Пруссийн хаант улстай Санкт Петербургийн гэрээнд гарын үсэг зурснаар хоёр улсын хооронд дэгдсэн долоон жилийн дайн эцэс болжээ.
- 1789 - Францын муж бүрийн захирагчид чуулсан Ерөнхий зөвлөлийн хурал анх удаагаа хуралдав.
- 1809 - Сүлжмэлийн хувцас зохион бүтээж зохиогчийн эрх авсан Мэри Кийс зохиогчийн эрх патент авсан анхны эмэгтэй болжээ.
- 1821 - Францын экс удирдагч Наполеон Бонапарт Гэгээн Элена арал дээр амьсгал хураав.
