Өнөөдөр гадаа 16 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 259 дахь өдөр бөгөөд он дуусахад 106 хоног үлдлээ.
- Цаг агаар өдөртөө 16 хэмийн дулаан бол шөнөдөө нэг дулаан байх нь ээ.
- Билгийн тооллын 21, Чөлөөт эх одтой, хар бич өдөр. Өдрийн наран 6 цаг 30 минутад мандан, 19 цаг 04 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Валют арилжааны төвд ам.долларын авах ханш 3350.00 төгрөг, зарах нь 3370.00 төгрөг байна. Харин рублийн авах ханш 52.00, зарах ханш 52.50, юанийн авах ханш 482.00, зарах ханш 484.00, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
-
9.00 цагт ШУА-ийн Биологийн хүрээлэнгийн хурлын танхимд "Ургамлын био технологи-2022" эрдэм шинжилгээний хурал болно. Утас: 99717977
-
9.00 цагт БОАЖЯ-нд Дэлхийн озоны давхаргыг хамгаалах өдөр, “Озоны үе давхаргыг задалдаг бодисын тухай монреалийн протокол” хүчин төгөлдөр болсны 35 жилийн ойд зориулсан хэвлэлийн хурал болно. Утас: 8510-0098
-
9.00 цагт ЭМЯ-нд ЦХХХ-ны Н.Учрал Эрүүл мэндийн сайдтай уулзаж, цахим шилжилтийн талаар санал солилцоно. Утас: 99103830
-
9.30 цагт Монголын Уран зургийн галерейн хурлын танхимд “Монгол зураг” нийгэмлэгийн 20 жилийн ойл зориулсан “Монгол зураг судлал-Уламжлал, шинэчлэл” эрдэм шинжилгээний хурал болно.
-
9.30 цагт “Шангри-Ла” зочид буудалд Монголын эх барих эмэгтэйчүүдийн эмч нарын холбоо, АШУҮИС-Эмгэг физиологийн тэнхим, “RMC” үр шилжүүлэн суулгах үндэсний төв, Монголын Нөхөн Үржихүйн Анагаах Ухаан, Үргүйдэл судлалын нийгэмлэгтэй хамтран “Aspect of human reproductive medicine” олон улсын хурал зохион байгуулна. Утас: 99664748
-
11.00 цагт Төмөр замын соёлын ордонд УБТЗ-аар үйлчлүүдэг төрийн болон хувийн хэвшлийн байгууллагын "Хамтын ажиллагаа-2022" зөвлөгөөн болно. Утас: 99091674, 86114818
-
11.00 цагт ҮСХ-ны байранд Монгол Улсын нийгэм, эдийн засгийн тоон мэдээллийг танилцуулна.
-
11.00 цагт “UG Palace”-т спортын бүх төрлийн нэгтгэсэн “Чүү Sport's Festival”-ын хэвлэлийн хурал болно.
-
11.30 цагт “Үндэсний мэдээллийн төв”-д Монголын худалдаачдын холбоо ТББ-аас ХҮДС-ийг МУИС-тай нэгтгэж байгааг эсэргүүцэж, хэвлэлийн хурал хийнэ.
-
13.00 цагт Сүхбаатарын талбайд 32 дахь удаагийн “Үндэсний номын баяр”-ын нээлт болно.
Энэ өдөр дэлхийн түүхэнд:
- 2011 онд Невадад онгоцны жолоодлогын шоуны үеэр онгоц үзэгчдийн дээрээс унаж 75 хүний аминд хүрчээ.
- 2000 онд Сиднейд XXVII Олимпын тоглолтууд эхэлжээ.
- 1999 онд Билл Гейтс эхнэрийнхээ хамт хүн амын эрүүл мэнд муудаж байгаа асуудлыг судлах төв байгуулахад 5 тэрбум ам.доллар хандивлажээ.
- 1987 онд Монреальд Дэлхийн озоны давхаргыг хамгаалах тухай протоколд гарын үсэг зуржээ.
- 1979 онд Зүүн Германаас найман хүн агаарын бөмбөлгөөр Баруун Герман руу зугтжээ.
- 1975 онд Папуа-Шинэ Гвиней тусгаар тогтнолоо зарлажээ.
