Өнөөдөр гадаа 28 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 09-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 252 дахь өдөр бөгөөд он дуусахад 113 хоног үлдлээ.
- Цаг агаар өдөртөө 28 хэмийн дулаан бол шөнөдөө 8 хэм дулаан байх нь ээ.
- Билгийн тооллын 14, Чөдөр одтой, хөхөгчин үхэр өдөр. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, лус тахих, мал арилжих, гэр бүрэхэд сайн. Цөөрөм байгуулахад муу. Үс шинээр үргээлгэх буюу засуулбал эд, мал аривдана.
- “Найман шарга” валют арилжааны төвд ам.долларын авах ханш 3255.00 төгрөг, зарах нь 3265.00 төгрөг байна. Харин рублийн авах ханш 50.80, зарах ханш 51.20, юанийн авах ханш 468.00, зарах ханш 471.30, вонийн авах ханш 2.36, зарах ханш 2.38 төгрөг байна.
Өнөөдөр болох онцлох үйл явдлууд:
-
9.00 цагт МУИС-ийн Номын санд "Цөлжилтийн эсрэг тэмцэх арга зам, инновацийг нэвтрүүлэх нь" эрдэм шинжилгээний хурал болно.
-
11.00 цагт Монгол ньюс мэдээллийн төвд энэ оны гуравдугаар сарын 3-нд байгуулсан Иргэдийн оролцооны нэгдэл намын ларга Ц.Оюунгэрэл, Ерөнхий менежер Л.Хандсүрэн нар тус намын үйл ажиллагаа, онцлог болон вэб сайтыг олон нийтэд танилцуулна.
-
11.00 цагт Цахим Хөгжил Харилцаа холбооны сайд Н. Учрал “E-Mongolia”-гийн ажилтай танилцана. Утас: 99247661
-
12.00 цагт “Мишээл экспо”-гийн зүүн талд нийслэл дэх орон нутгийн оюутнуудын анхны жишиг дотуур байр болох “Оюутны хотхон”-ы бүтээн байгуулалтын ажил хоёр жил гацаж байгаа талаар мэдээлнэ. Утас: 80874546
-
13.00 цагт ШУА-ийн Хүрээлэнгүүдийн нэгдсэн I байранд Хэл зохиолын хүрээлэнгийн Хэл шинжлэлийн салбарын эрдэм шинжилгээний тэргүүлэх ажилтан, доктор, дэд профессор С.Мөнхсайханы “Монголын нууц товчооны тайлбар толь” номын нээлт болно.
-
13.00 цагт “Чингис Соосэ” их сургуульд Монгол Улсын тусгаар тогтнол, эх орныхоо төлөө халуун амиа зориулсан ахмад дайчдын үр хойчдыг оролцуулсан “Нэргүй баатрууд” яруу найргийн наадам болно. Утас: 88007064 , 90116054
-
11.00 цагт Хэвлэлийн хүрээлэнд СЭМҮТ, Монголын Сэтгэцийн Эрүүл Мэндийн Нийгэмлэг ТББ-аас COVID-19-ийг цар тахал хэмээн зарласнаас хойшх сэтгэцийн эрүүл мэндийн байдал, ойрын ирээдүйд авч хэрэгжүүлэх ажлын талаар мэдээлнэ. Мөн улсын хэмжээнд хийсэн сэтгэцийн эрүүл мэндийн байдлыг тодорхойлох судалгааны дүнг танилцуулна.
-
12.00 цагт Тэгш хүртээмжтэй төрийн үйлчилгээ авах, сурах хөгжих эрх нь зөрчигдөж байгаа хүүхэд, залуучуудын эцэг эхийн төлөөлөл, Ээлтэй Ертөнц ТББ-асс “Бид ч бас эрхээ хамгаалуулмаар байна, Сайдаа. Монгол Улсын төрөөс, ЗГХГ-ын дарга Д.Амарбаясгалангийн мэдэгдэлтэй холбоотой Танаас асуух асуулт байна” сэдвээр мэдээлнэ.
Энэ өдөр дэлхийн түүхэнд:
- Өнөөдөр Коста Рика улсад Хүүхдийн баярын өдөр тохиож байна.
- Мөн өнөөдөр бол Украйн улсын Зэвсэгт хүчний өдөр юм байна.
- 1991 онд Бразилийн алдарт хөлбөмбөгийн тамирчин Оскар мэндэлжээ.
- 1999 онд Японы SEGA компани анхныхаа 128 битийн тоглоомоо гаргажээ.
- 2015 онд II Элизабет хатан хаан Нэгдсэн вант улсын хамгийн удаан хугацаанд хаан ширээнд заларч буй хатан хаанаар тодорчээ.
