Өнөөдөр Улаанбаатар хотод 17 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 243 дахь өдөр бөгөөд он дуусахад 112 хоног үлдлээ.
- Цаг агаар өдөртөө 17 хэм дулаан, бага зэргийн бороотой бол шөнөдөө 4 хэм дулаан, үүлшинэ.
- Билгийн тооллын 4, Тэргүүн дагуул одтой, улаан луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уу, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Үс шинээр үргээлгэх буюу засуулбал бие эрхтний хүч сайжирна хэмээжээ.
- “Найман шарга” валют арилжааны төвд ам.долларын авах ханш 3221.00 төгрөг, зарах нь 3225.00 төгрөг байна. Харин рублийн авах ханш 49.80, зарах ханш 50.20, юанийн авах ханш 468.00, зарах ханш 471.00, вонийн авах ханш 2.38, зарах ханш 2.40 төгрөг байна.
Өнөөдөр болох онцлох үйл явдлууд:
-
8.30 цагт ГССҮТ-д Гэмтлийн эмнэлгийн зөвлөх эмч Р.Шагдарсүрэнгийн шинэ номын нээлт болно. Утас: 88 006833
-
9.30 цагт “Blue Sky” зочид буудалд ХЭҮК болон энэ чиглэлийн байгууллагууд хамтран “Туслах малчдын нийгэм эдийн засгийн нөхцөл байдал, хүний эрхийн хэрэгжилт”-ийн талаар мэдээлнэ. Утас:99051914
-
12.00 цагт Усан парк нэрийдлээр орон сууц барьж байгааг эсэргүүцэж буй иргэд НЗДТГ-ын гадна талбайд жагсаал зохион байгуулна. Утас: 80200570
Энэ өдөр дэлхийн түүхэнд:
- 1920 оны энэ өдөр АНУ-ын Дэтройт хотод хамгийн анхны радио мэдээллийн хөтөлбөрөө цацаж байжээ.
- 1944 оны энэ өдөр Английн сэтгүүлч Liz Forgan мэндэлжээ.
- 1944 оны энэ өдөр Английн түүхч Christine King мэндэлжээ.
- 1927 оны энэ өдөр генерал Andranik таалал төгсжээ.
