Өнөөдөр Улаанбаатар хотод 14 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 26-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 238 дахь өдөр бөгөөд он дуусахад 127 хоног үлдлээ.
- Цаг агаар өдөртөө 14 хэм дулаан, бага зэргийн бороотой бол шөнөдөө 1 хэм дулаан, үүлшинэ.
- Билгийн тооллын 29, Үнэг одтой, цагаагчин гахай өдөр. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, нялхасын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Балжиннямтай өдөр. Үс шинээр үргээлгэх буюу засуулахад тохиромжгүй.
- “Уран уургач” валют арилжааны төвд ам.долларын авах ханш 3213.00 төгрөг, зарах нь 3220.00 төгрөг байна. Харин рублийн авах ханш 50.00, зарах ханш 50.30, юанийн авах ханш 471.00, зарах ханш 473.00, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
-
8.30 цагт Анагаахын Шинжлэх Ухааны Үндэсний Их Сургуульд “The Ulaanbaatar International Congress of Endocrinology and Diabetes 2022” олон улсын хурал болно.
-
8.30 цагт Монгол-Солонгосын Политехник коллежийн хурлын танхимд мэргэжлийн боловсрол, сургалтын бодлого, хувийн хэвшлийн оролцоо, хөдөлмөрийн зах зээл, шинэ сэргэлтийн бодлоготой уялдуулсан мэргэжилтэй ажилтан бэлтгэх зөвлөлдөх уулзалт болно.
-
10:00 цагт Спортын төв ордны гуравдугаар давхарын 303 тоот өрөөнд Энэтхэгийн Ченнай хотод болсон дэлхийн шатрын олимпиадад амжилттай оролцсон баг тамирчдыг хүлээн авч хүндэтгэл үзүүлэн шагнал гардуулах ёслол болно.
-
10:30 цагт: Спортынн төв ордны гуравдугаар давхарын 303 тоот өрөөнд ОХУ-д болсон “Азийн хүүхдүүд-2022” наадамд өндөр амжилт үзүүлсэн баг тамирчдыг хүлээн авч шагнал гардуулна.
-
10.00 цагт “Мишээл экспо” төвд "ТУРК ЭКСПО-2022" үзэсгэлэн худалдаа эхэлнэ. Утас: 70100919, 99990764, 91040303
-
10.00 цагт Мэргэжлийн хяналтын байгууллагаас ариун цэвэр, эрүүл ахуйн шаардлага хангаж, мах экспортлох боломжтой болсон 11 аж ахуйн нэгжийн үйлдвэрийн лацыг авч, экспортын бэлтгэл ажилд хяналт тавина. Утас: 91989890
Энэ өдөр дэлхийн түүхэнд:
- Өнөөдөр бол Папуа Шинэ Гвиней улсын Тусгаар тогтносон өдөр.
- Мөн өнөөдөр АНУ-д Эмэгтэйчүүдийн тэгш эрхийн өдөр тохиож байгаа юм байна.
- 1978 онд Albino Luciani I пап ламаар сонгогджээ.
- 1999 онд Орос улс Чичений II дайныг эхлүүлжээ.
- 2002 онд Өмнөд Африкт Дэлхийн дээд хэмжээний уулзалт эхэлжээ.
