Өнөөдөр Улаанбаатар хотод 11 хэм дулаан, бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 235 дахь өдөр бөгөөд он дуусахад 130 хоног үлдлээ.
- Цаг агаар өдөртөө 11 хэм дулаан, бага зэргийн бороотой бол шөнөдөө 1 хэм дулаан байна.
- Билгийн тооллын 27, Өглөгт охин одтой, шар бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хуврага болох, багш шавьд барилдах, номын абшиг авах, шинэ гэр ба байр авах, хараал жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Халуун эргэх улирал 12 цаг 26 минутад эхэлнэ. Үс шинээр үргээлгэх буюу засуулбал өлзийтэй сайн.
- “Найман шарга” валют арилжааны төвд ам.долларын авах ханш 3202.00 төгрөг, зарах нь 3209.00 төгрөг байна. Харин рублийн авах ханш 49.50, зарах ханш 50.10, юанийн авах ханш 468.00, зарах ханш 473.00, вонийн авах ханш 2.38, зарах ханш 2.41 төгрөг байна.
Өнөөдөр болох онцлох үйл явдлууд:
1. 9.00 цагт “АСЕМ хуралдай”-д “Монголын улс төрийн форум” болно.
2. 10.00 цагт “Үндэсний мэдээллийн төв”-д Монголын хүний эрхийн төрийн бус байгууллагуудын форумаас Засгийн газрын хөгжлийн төсөл хөтөлбөрүүдийн талаар мэдээлнэ.
3. 11.40 цагт “Шонхор тауэр”-т УИХ дахь АН-ын бүлгийн даргыг томилох тухай хууль бус үйлдэл гарсан талаар АН-аас мэдээлнэ. Утас: 91000017
4. 15.00 цагт ГХЯ-нд Монгол Улсын Гадаад харилцааны яам, АНУ-ын Төрийн департаментын XV зөвлөлдөх уулзалт болон анхдугаар стратегийн яриа хэлэлцээ болно.
“Монгол ньюс” мэдээллийн төвд
5. 11.00 цагт “Их хуралдай”-д илтгэл хэлэлцүүлсэн оюутнууд Японы залуус Монголын талаар, манай улсын залуус Японы тухай ямар ойлголттой байдгийг судалсан тухайгаа мэдээлнэ.
6. 12.00 цагт Монголын тариаланчдын үндэсний холбооноос буудай тариалахад шаардлагатай орцын үнэ 100-150 хувиар нэмэгдсэнтэй холбоотойгоор тариаланчид тонн буудайн үнийг 1.2 сая төгрөг болгон өсгөхөөс өөр аргагүйд хүрсэн талаар мэдээлнэ.
7. 15.00 цагт Монгол Улсын Шинжлэх ухааны академи, Олон улсын Түрэг академиас Археологийн хүрээлэнгийн хамтын ажиллагаа, Дундад зууны үеийн археологийн судалгааны зарим үр дүнгийн талаар мэдээлнэ.
Энэ өдөр дэлхийн түүхэнд:
- 1891 оны энэ өдөр Томас Эдисон хөдөлгөөнт зургийн аппарат зохион бүтээсэн патентаа авж байжээ.
- 1995 оны энэ өдөр Microsoft Office 95 Хойд Америкт нийтийн хүртээл болсон.
- 1578 оны энэ өдөр Английн зохиолч, яруу найрагч John Taylor мэндэлжээ.
- 1887 оны энэ өдөр Америкийн бэйсболлын тамирчин Harry Hooper мэндэлжээ.
