Ц.Цогтбаатар хүрэл медалийн төлөө хүч үзлээ. Ц.Цогтбаатар хүрэл медалийн төлөө Канадын Артур Маргелидонтой барилдсан юм. Тэд өмнө нь хоёр удаа барилдаж байв. Эхлээд 2019 онд Абу Дабигийн Их дуулгад Маргелидон манай бөхийг ялсан. Сүүлд өнгөрсөн гуравдугаар сард Тбилисийн Их дуулгын финалд манай Цогтоо ялж аваргалсан билээ. Энэ удаа хэн нь олимпын медальтай үлдэх вэ гэдгийг шийдэх чухал барилдааныг Токиогийн татамид хийлээ. Улмаар манай бөх эх орондоо хүрэл медаль авчирлаа.
Тэрбээр хүрлийн төлөөх барилдаан эхлээд удаагүй байхад Канадын Артур Маргелидоныг өчих мэхээр цэвэр ялж, олимпын медальтны их гэр бүлд нэгдэж, Монгол түмнээ баярлууллаа.
