Өнөөдөр гадаа 22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 154 дахь өдөр бөгөөд он дуусахад 211 хоног үлдлээ.
- Цаг агаар өдөртөө 22 хэмийн дулаан бол шөнөдөө 8 градус дулаан байх нь ээ. Өдөртөө бага зэргийн бороо орох гэнэ.
- Билгийн тооллын 12. Буд гараг. Хонгорцог одтой, гурван хөх мэнгэтэй улаагчин үхэр өдөр. Өдрийн наран 4 цаг 56 минутад мандан, 20 цаг 45 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал арилжих, гэр бүрэхэд сайн.
- Манай улсын голлох валют болох ам.долларын ханш 2814.00 төгрөгтэй тэнцэж байгаа бол бусад валют болох рубль 41.50, юань 394.50, вон 2.28 төгрөг байна.
Цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
Өнөөдөр болох онцлох үйл явдлууд:
- 10.00 цагт Хэвлэлийн хүрээлэнд залуус, эмэгтэйчүүдийн улс төрийн оролцоог дэмжих, идэвхжүүлэх зорилго бүхий 3 жилийн хөтөлбрийн нээлт болно.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 11.30 цагт Ардчиллын өргөөнд Ардчилсан эмэгтэйчүүдийн холбооноос "ЦЭВЭР ШУДАРГААР ӨРСӨЛДЬЕ" уриалгаа танилцуулна.
Энэ өдөр дэлхийн түүхэнд:
- Өнөөдөр бол дэлхийн дугуйн өдөр.
- Мөн Тайванд Опиумын эсэргүүцлийн хөдөлгөөний өдөр тохиож байна.
- 2017 онд Лондонгийн гүүр дээр террорист халдлага гарч, найман хүн амь насаа алдаж, олон хүн шархаджээ. Тус халдлагыг Исламын террорист бүлэг үйлдсэн байна.
- 1982 онд Лондонд суух Израиль улсын элчин сайд Shlomo Argov Лондонгийн гудамжинд буудуулжээ. Азаар амьд үлдсэн ч саажилттай болсон байна.
