5 дугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 145 дахь өдөр бөгөөд он дуусахад 220 хоног үлдлээ.
- Цаг агаар өдөртөө 18 хэмийн дулаан бол шөнөдөө 7 градус дулаан байх нь ээ.
- Билгийн тооллын 3, Хэрцгий охин одтой, шар луу өдөр. Өдрийн наран 5 цаг 02 минутад мандан, 20 цаг 36 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Балжиннямтай өдөр. Үс шинээр үргээлгэх буюу засуулбал эд малтай баялаг төгс болно.
- Манай улсын голлох валют болох ам.долларын ханш 2809.00 төгрөгтэй тэнцэж байгаа бол бусад валют болох рубль 39.60, юань 393.80, вон 2.27 төгрөг байна.
Өнөөдөр болох онцлох үйл явдлууд:
- Глоб Интернэшнл төвөөс сонгуулийг үнэн зөв, ёс зүйтэй зарчимын дагуу хэрхэн мэдээлэх талаар залуу, эмэгтэй сэтгүүлчдэд мэдлэг олгох зорилготой онлайн чуулган-сургалтыг 2020 оны 5 сарын 25-29-ны хооронд зохион байгуулах гэж байна.
- 09:00 цагт АШУҮИС-ын төв байранд "Шинэ коронавируст халдварын судлал, оношилгоо, эмчилгээний тулгамдсан асуудал" сэдвийн хүрээнд Монголын анагаахын шинжлэх ухааны 62-р эрдмийн чуулганыг цахим хэлбэрээр зохион байгуулна. Холбогдох утас: 99051825
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
Энэ өдөр дэлхийн түүхэнд:
- Өнөөдөр Сураггүй алга болсон хүүхдүүдийн дурсгалыг хүндэтгэх олон улсын өдөр тохиож байна.
- 2009 онд Хойд Солонгос улс хоёр дахь цөмийн зэвсгийн туршилтаа явуулжээ.
- 2011 онд алдарт "Опра Уинфригийн шоу"-ны хамгийн сүүлчийн нэвтрүүлэг цацагджээ.
- 1977 онд "Оддын дайн" театруудаар цацагдаж эхэлжээ.
