Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 141 дахь өдөр бөгөөд он дуусахад 224 хоног үлдлээ.
- Цаг агаар өдөртөө 19 хэмийн дулаан бол шөнөдөө 5 градус дулаан байх нь ээ.
- Билгийн тооллын 28. Буд гараг. Шийдэм одтой, найман цагаан мэнгэтэй харагчин гахай өдөр. Өдрийн наран 5 цаг 07 минутад мандан, 20 цаг 30 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, нялхсын хурим хийх, хийморийн дарцаг хатгахад сайн.
- Манай улсын голлох валют болох ам.долларын ханш 2805.00 төгрөгтэй тэнцэж байгаа бол бусад валют болох рубль 39.00, юань 394.00, вон 2.26 төгрөг байна.
Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Өчүүхэн дүүрэн болох улирал 22 цаг 05 минутанд эхэлнэ. Үс шинээр үргээлгэх буюу засуулахад тохиромжгүй хэмээжээ.
Өнөөдөр болох онцлох үйл явдлууд:
- 10.00 цагт ҮСХ-ноос Монгол Улсын 2020 оны эхний 4 сарын нийгэм, эдийн засгийн тоон мэдээллийг 1212.mn болон фейсбүүкийн “Үндэсний Статистикийн хороо” хуудсаар танилцуулна.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 10.30 цагт Засгийн газар, МҮХАҮТ хамтран 2019 оны ТОП-100 ААН-ийг тодруулах ёслолыг "Блүүмберг ТВ Монголиа" сувгаар шууд дамжуулна.
- 12.00 цагт “Пума” зочид буудалд Архангай аймгийн Цэнхэр сумын малчид малын хулгайн гэмт хэргийн талаар мэдээлнэ. Утас: 98000307, 90107107
Энэ өдөр дэлхийн түүхэнд:
- Өнөөдөр Чили улсад Усан цэргийн өдөр тохиож байна.
- 1989 оны энэ өдөр Шинэ Зеландын жүжигчин, дуучин Emily Robins мэндэлжээ.
- 2012 онд Бүгд Найрамдах Йемен Улсын нийслэл Сана хотод нэгэн амиа золиослогч бөмбөг дэлбэлснээс болж 120 гаруй хүн амь насаа алджээ.
- 2011 онд АНУ-ын Радио нэвтрүүлэгч Harold Camping уг өдрөөс таван сарын дараа дэлхийн төгсгөл ирнэ хэмээн зөгнөж байжээ.
- 1998 онд Майамид нэгэн халдагч үр хөндөлтийн таван эмнэлэгт тосны хүчил асгаж, их хэмжээний хохирол учруулж байжээ.
- 2001 онд Францын "Taubira" хууль батлагдав. Энэ нь Атлантын боолын худалдаа, боолчлолыг хүн төрөлхтний эсрэг гэмт хэрэг хэмээн албан ёсоор хүлээн зөвшөөрч байгаа хэрэг юм.
- 2005 онд дэлхийн хамгийн өндөр галзуу хулгана болох "Kingda Ka" нь АНУ-ын Нью-Жерсид орших "Six Flags Great Adventure" паркад нээлтээ хийжээ.
