Өнөөдөр гадаа 13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 106 дахь өдөр бөгөөд он дуусахад 259 хоног үлдлээ.
- Цаг агаар өдөртөө 13 хэмийн дулаан бол шөнөдөө 0 градус дулаан байх нь ээ.
- Билгийн тооллын 24, Булаагч одтой, шарагчин үхэр өдөр. Өдрийн наран 6 цаг 00 минутад мандан, 19 цаг 43 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, мал арилжих, гэр бүрэхэд сайн. Улааны үйлд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2787.00 төгрөгтэй тэнцэж байгаа бол бусад валют болох рубль 39.00, юань 395.40, вон 2.28 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд УИХ-ын чуулган хуралдана.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 14.00 цагт ХЭҮК, Нээлттэй нийгэм форум хамтран “Хүний эрхийн тухай ярилцъя" ээлжит уулзалтыг “COVID-19 БА ХҮНИЙ ЭРХ” сэдвийн хүрээнд цахимаар зохион байгуулна. Утас: 95186668
“Үндэсний мэдээллийн төв”-д
- 11.30 цагт “Сахигтун үндсэн хуулийн эвсэл-19”-өөс "Иргэдийн шударга шүүх" ТББ-ын тэргүүн, хуульч Х.Бат-Ялалтыг суллахыг шаардаж, 5000 иргэн гарын үсгийг цуглуулсан талаар мэдээлнэ.
- 12.00 цагт Ардчилал шинэчлэлийн хөдөлгөөнөөс цаг үеийн асуудлаар мэдээлнэ.
Энэ өдөр дэлхийн түүхэнд:
- Өнөөдөр Дэлхийн дуу хоолойны өдөр тохиож байна.
- 1973 оны энэ өдөр Сенегал гаралтай Америкийн дуучин Эйкон мэндэлжээ.
- 2012 онд Пулитцерийн шагналын Уран зөгнөлийн төрөлд аливаа ном зохиол ялалт байгуулсангүй. Ингэснээр 1977 оноос хойш анхны тохиолдол болсон юм.
- 2003 онд Грекын парламент Европын холбоонд нэгдэн орохыг дэмжжээ.
- 1990 онд дэлхийн эрүүл мэндийн практикт анх удаа Жек Кеворкиан гэх эмч өвчтөний хүсэлтээр амьсгалын системийг нь тасалжээ. Түүнийг олон нийт "Үхлийн эмч" гэж цоллосон гэдэг.
- 1963 онд АНУ-ын Алабама мужийн Бирмингем хотод болж буй хүний эрхийн төлөөх тайван жагсаалыг засгийн газрын зүгээс хүч хэрэглэн тарааж байгааг эсэргүүцэн хүний эрхийн төлөө тэмцэгч Мартин Лютер Кинг "Бирмингемийн шорон"-гоос захидал бичжээ.
- 1945 онд Германы дүрвэгсэд тээвэрлэж явсан "Гойа" хөлөг онгоцыг Зөвлөлтийн шумбагч онгоц гал нээн устгав. Үүний улмаас 7,000 хүн газар дээрээ амиа алджээ.
