Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 100 дахь өдөр бөгөөд он дуусахад 265 хоног үлдлээ.
- Цаг агаар өдөртөө 11 хэмийн дулаан бол шөнөдөө -4 градус хүйтэн байх нь ээ.
- Билгийн тооллын 18, Хонгорцог одтой, харагчин хонь өдөр. Өдрийн наран 6 цаг 12 минутад мандан, 19 цаг 35 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 2786.00 төгрөгтэй тэнцэж байгаа бол бусад валют болох рубль 38.50, юань 394.50, вон 2.28 төгрөг байна.
Өнөөдөр болох онцлох үйл явдлууд:
- 09.50 цагт Төрийн ордонд УИХ-ын гишүүн С.Бямбацогт, Д.Лүндээжанцан УИХ-ын дэгийн хуульд нэмэлт, өөрчлөлт оруулах тухай хуулийн төслийн талаар мэдээлнэ.
- 10.00 цагт Төрийн ордонд УИХ-ын чуулган хуралдана.
- 10.00 цагт ОБЕГ-т МСНЭ, "Мон-Интра" компани Монголын бэлчээр ашиглагчдын нэгдсэн холбооноос хандив гардуулна.
- 10.00 цагт НМХГ-т мэргэжлийн хяналтын байгууллагаас “COVID-19” халдвараас сэргийлэх, халдварын эрсдлийг бууруулах хяналт шалгалтын талаар мэдээлнэ.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 14.00 цагт Сонгинохайрхан дүүргийн ЗДТГ-т тус дүүргийн Засаг дарга Ж.Сандагсүрэн цаг үеийн асуудлаар мэдээлнэ. Утас:99010499
“Үндэсний мэдээллийн төв”-д - 11.00 цагт “Сахигтун” үндэсний хөдөлгөөнөөс Хэлмэгдэгсдийн хөшөөний дэргэд эмэгтэйчүүд хуурай өлсгөлөн зарлах талаар мэдээлнэ.
- 11.30 цагт Сонгинохайрхан дүүргийн иргэд цаг үеийн асуудлаар мэдээлнэ.
- 12.00 цагт "Таван толгой транс" ХХК-ийн талбайд нүүрсэнд даруулж нас барсан залуугийн хэргийг нуун дарагдуулсан талаар ар гэрийнхэн болон өмгөөлөгч нь мэдээлнэ.12.30 цагт Aрдчилсан намын гишүүд цаг үеийн асуудлаар мэдээлнэ.
- 12.30 цагт Aрдчилсан намын гишүүд цаг үеийн асуудлаар мэдээлнэ.
Энэ өдөр дэлхийн түүхэнд:
- Олон улсын ах дүүсийн өдөр
- 2010 онд ОХУ-ын Смоленкс хотын ойролцоо Польшийн агаарын тээврийн "Ту-154М" онгоц осолдож, 96 хүн амиа алдсаны дотор Польшийн Ерөнхийлөгч Лех Кашинский болон түүний эхнэр, Засгийн газрын өндөр албан тушаалтнууд багтсан байна.
- 2009 онд Фижи арлын ерөнхийлөгч Рату Хосефа Иллойо үндсэн хуулиас үүдэн улс эх оронд нь засаглалын хямрал нүүрлэснийг зарлав.
- 1972 онд Хятадын Шандонг мужид барилга угсралтын ажил гүйцэтгэж байсан ажилжид хулсаар хучсан авс бүхий хоёр оршуулгийг илрүүлжээ. Эрдэм шинжилгээний ажилчид судалгаа хийсний дүнд "Дайтах урлаг" номыг зохиогч Сун Цзы, Сун Бин нарын оршуулга болохыг тогтоосон юм.
- 1970 онд Хөгжмийн урлагийн алдарт "Бийтлз" хамтлагийн гоцлол дуучин Пол МакКартни хамтлагаасаа гарч, хувийн замналаа үргэлжлүүлэх болсоноо зарлав.
- 1957 онд гурван сарын турш хаалгаа бариад байсан Суецын суваг эргэн нээгджээ.
- 1925 онд алдарт зохиолч Ф.Скотт Фицжеральдын "Аугаа Гецби" зохиол анх удаагаа хэвлэгдэв.
