Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 09-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 99 дахь өдөр бөгөөд он дуусахад 266 хоног үлдлээ.
- Цаг агаар өдөртөө 13 хэмийн дулаан бол шөнөдөө -2 градус хүйтэн байх нь ээ.
- Билгийн тооллын 16. Бархасвадь гараг. Салхины эх одтой, дөрвөн ногоон мэнгэтэй хар морь өдөр. Өдрийн наран 6 цаг 14 минутад мандан, 19 цаг 33 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2785.00 төгрөгтэй тэнцэж байгаа бол бусад валют болох рубль 38.30, юань 394.50, вон 2.29 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 12:00 цагт “Үндэсний мэдээллийн төв”-д Хохирогчдын холбоо болон ТББ-ууд, Эрх нь зөрчигдөж хүчирхийлэлд өртсөн иргэдтэй хамтарч хэвлэлийн бага хурал зарлалаа.
Энэ өдөр дэлхийн түүхэнд:
- 1998 оны энэ өдөр "Супер 8", "Аавуудын цэцэрлэг" киноны од жүжигчин Элли Феннинг мэндэлжээ.
- Мөн 1990 оны энэ өдөр "Бүрэнхий" киноны од Кристен Стьюарт мэндэлжээ.
- 2017 онд Египетын Александриа, Танта хотуудад байрлах сүмд цуврал дэлбэрэлт болжээ.
- 2013 онд Иран улсад 6.1 магнитудын хүчтэй газар хөдлөсний улмаас 32 хүн амиа алдан, 850 гаруй хүн бэртэж, гэмтжээ.
- 2009 онд Гүржийн нийслэл Тбилис хотод Михайль Саакашвилигийн засаглалыг эсэргүүцсэн 60,000 хүний жагсаал болжээ.
- 2005 онд Уельсийн хунтайж Чарльз олон жил харилцаатай байсан Камилла Паркер Баулестэй Уиндсорын шилтгээнд хуримлав.
- 1992 онд АНУ-ын Холбооны шүүх Панамын дарангуйлагч Мануэль Нориега-г хар тамхи наймаалсан, бусдыг айлган сүрдүүлэх замаар хөрөнгөжсөн гэх үндэслэлээр 30 жилийн хорих ял оноов.
